Dárigerler: 2016 jyly Reseıde kene kóp bolady
ASTANA. QazAqparat - Kóktem kelisimen jándikterdiń qaýyrt tirshiligi bastalady.
Bıyl kúnniń erte jylynýy Reseıde kenelerdiń belsendiligin oıatty. Bul jándikter shaqsa, adamdarǵa entsefalıt, Laım aýrýyn nemese borrelıoz dertin juqtyrýy múmkin.
Kóktemniń basynan-aq adamdar kene shaqty degen shaǵymmen medıtsınalyq mekemelerge jıi bara bastady. Shaǵymdanǵandar sany ótken jylǵydan artyq. Olardyń úshten biri balalar. Bul ótken jylǵy kórsetkishten úsh ese kóp. Ázirge kene shaǵý saldarynan entsefalıtke shaldyǵý oqıǵasy tirkelmedi. Alaıda adamdardyń borrelıozdy juqtyrýy baıqalýda, dep jazady planet-today.ru saıty.
Aq halattylar habarlaǵandaı, aǵymdaǵy jyly kóktemnen bastap bul elde kene shaǵý saldarynan borrelıozge shaldyǵýdyń júzden astam oqıǵasy tirkeldi. Dárigerler azamattarǵa entsefalıtke qarsy ekpe jasaýǵa keńes beredi. Olar qaýipsizdik sharalaryn saqtaýdy surap otyr. Dárigerlerdiń boljamyna sáıkes, bıyl Reseıde kenelerdiń belsendiligi joǵary bolmaq.
