Dárigerler 100 jastaǵy patsıentke aıaǵy aýyr ekendigin habarlaǵan
ASTANA. QazAqparat - Aldaǵy qarashada týra 100 jasqa tolatyn Brıtanııa turǵyny Dorıs Eılıngke Hempshır graftyǵyndaǵy aýrýhanadan kútpegen jerden onyń júkti ekendigi jaıly hat kelgen.
Aıaq astynan ári tańdanyp ári qatty yńǵaısyz kúıge túsken áıel odan dárigerdiń qabyldaýyna kelip, túrli synamalar tapsyrýy qajettigi jazylǵanyn oqyǵan. Bir qyzyǵy, onda týǵan jyly, aıy, kúni dál kórsetilgen.
Dárigerler ózderiniń qatelikterin moıyndap, qart áıeldiń 76 jastaǵy uly arqyly «jón-josyqsyz mazalaǵandaryna» keshirim suraǵan, dep jazady Rossııskaıa gazeta The Sun-ge silteme jasap.
«Meniń úsh balam jáne jıyrma nemerem bar, biraq men 70 jyldan beri júkti bolǵan emespin. Jasym 100-ge jaqyndap qaldy. Qalaısha aıaǵym aýyr bolmaq?»,-deıdi áıel bul jaǵdaıǵa tańdana. «Bul bir qyzyq oqıǵa boldy, bárimiz de shek-silemiz qata kúldik»,-deıdi uly Braıan.
Zeınetke shyqqanǵa deıin Dorıs mektepte aspazshy bolǵan. Batys Sýssekstegi Bognor Regıste turady.
