Dárigerge qaralý Astana, Almaty jáne Atyraý turǵyndaryna qymbatqa túsýde
ASTANA. QazAqparat - 2016 jyly Qazaqstanda dárigerge kóriný qymbattady, ásirese Almaty, Astana jáne Atyraý turǵyndarynyń qaltalaryna aýyr tııýde, dep habarlady energyprom.kz.
Densaýlyq saqtaý jáne áleýmettik qyzmet kórsetý uıymy 2016 jylǵy 3 toqsanda qazaqstandyqtarǵa 259 mıllıard teńgege qyzmet kórsetti - bul ótken jylǵymen salystyrǵanda, 18,8%-ǵa kóp.
2017 jyldyń qańtaryndaǵy málimetterge sáıkes, qazaqstandyqtarǵa dárigerge qaralý 2016 jylǵy qańtarǵa qaraǵanda 2146 teńgege nemese 14,8%-ǵa qymbatqa tústi. Eń joǵary baǵa Almatyda - 3726 teńge, Atyraýda - 3412, Astanada - 2780 teńge.
Stomatologııa qyzmetteri (aýyrǵandy basatyn dári egý men tis julý) 2961 teńgege deıin, 11,8%-ǵa kóterildi. Eń qymbat em-dom Astanada tirkeldi - 7411 tg.
Taldaý, zertteý baǵalary da ósti: Qursaq qýysyn ÝDZ-ǵa túsirý bir aıda qazaqstandyqtarǵa 2575 teńgege tústi. Jalpy qan taldaýy - 800 tg, zár taldaýy - 579 tg.
Eldiń iri qalalarynyń arasynda eń qymbat ÝDZ Almatyda - 3845 tg, qan taldaýy úshin de aqshany osy qalada kóp tóleısiz - 1628 tg. Al jalpy zár taldaýy eń qymbat Atyraýda bolyp shyqty - 1004 tg.
Shıpajaılar qyzmetteri jylyna 4,9%-ǵa, táýligine 9062 teńgege deıin qymbattady. Eń qymbat baǵa eldiń soltústiginde belgilendi: Qostanaıda - táýligine 12366 tg jáne Astanda táýligine - 13222 tg.
Massajıst (moıyn jaǵy) qyzmetteri 7,8%-ǵa ósti, bir protsedýrasy - 828 tg. Eń joǵary baǵa Almatyda tirkeldi - 1537 tg.
