«Dárigerdiń de, naýqastyń da quqyn qorǵaıtyn zań kerek» - respýblıkalyq basylymdarǵa sholý
***
Sońǵy kezde dárigerdiń qatesinen bolǵan ólim-jitimge baılanysty daý-damaı órtship tur. Buryn da az emes edi, endi tipti boı berer emes. kóbine dárigerlerdiń qatesinen naýqasy asqynyp, qol-aıaǵynan aıyrylyp, tipti ajal qushyp jatqandar da bar. Mundaı jaǵdaı oryn alǵanda kóbine naýqas óz quqyǵyn qorǵaı almaı pushaıman bolyp jatady. Mine osy másele arqaý bolǵan maqala «Alash aınasy» gazetiniń beısenbilik sanynda «Dárigerdiń de, naýqastyń da quqyn qorǵaıtyn zań kerek» degen taqyryppen berilgen.
Osy basylymnyń turaqty «Dat!» aıdarynda «Alash» tarıhı-zertteý ortalyǵynyń prezıdenti, tarıh ǵylymynyń kandıdaty Haırolla Ǵabjálelmen aradaǵy suhbat «Qazaq tarıhy - álemdegi orny bólek, eń baı, eń tereń tarıh» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ǵalym: «Bizdiń tarıhshylardyń jasyqtyǵy, bizde shyǵyp jatqan Arhaım qazba qalasyn orystar ıemdenip otyr. Týra solaı, bizdiń aımaqta tabylyp jatqan arheologııalyq muralardy ózgeler birde parsyniki deıdi, birde basqaniki deıdi. Bizdiń tarıhshylar osyǵan jumǵan aýyzdaryn ashpaıdy», - dedi.
***
«Nur Otan» partııasy Qoǵamdyq qabyldaý bólmesiniń meńgerýshisi Jumajan Júkenov shilde aıynda atqarylǵan jumystardyń qorytyndysyn shyǵardy», dep jazady «Aıqyn» gazeti «Qoǵamdyq qabyldaý adamdardyń muń-muqtajyn sheshedi» degen taqyryptaǵy maqalasynda. Basylymnyń jazýynsha, osy ýaqyt aralyǵynda qoǵamdyq qabyldaý bólmelerine 5 289 ótinish kelip túsken. Bir qýantarlyǵy, burynǵymen salystyrǵanda zeınetaqy men tólemaqylardy tóleý týrasyndaǵy aryzdar - 4,4 paıyzǵa, al turǵyn úı jáne kommýnaldy qyzmet salasyndaǵy shalaǵaılyqtarǵa qatysty shaǵymdar 4,1 paıyzǵa azaıǵan.
Jer betindegi qurlyqtyń altydan bir bóligin alyp jatqan álemdik alyp derjava - KSRO-nyń birjola kúıreýine ákelgen TJMK (Tótenshe jaǵdaı jónindegi memlekettik komıtet) - Máskeýdegi tamyz búliginen beri jıyrma jyl ótipti. Qazan tóńkerisimen bastalyp, sońy «qaıta qurýmen» aıaqtalǵan tutas bir dáýirdiń tarıh sahnasynan ketýine sebep bolǵan 19 tamyzdaǵy memlekettik tóńkeriske talpynysty uıymdastyrýdyń basy-qasynda kimder tur? Bul saýaldardyń jaýabyn bilgińiz kelse, «Aıqyn» gazetindegi «KSRO úshin bolǵan sońǵy qantógis» degen maqalaǵa kóz júgirtińiz.
***
«Elordadaǵy Respýblıkalyq jedel medıtsınalyq járdem ǵylymı ortalyǵy Ońtústik Koreıanyń Anam gospıtaliniń mamandarymen birlesip, alǵash ret sozylmaly búırek fýnktsııasynyń kináraty bar syrqattarǵa laparoskopııanyń kómegimen búırekti almastyrý operatsııasyn jasady», - dep jazady «Astana aqshamy» gazeti. Basylymnyń atap ótýinshe, operatsııalardyń ereksheligi, bul tásil patsıentti az jaraqattaıdy jáne syrqattardy ońaltýdyń operatsııadan keıingi kezeńin 10-14 kúnnen 2-3 kúnge deıin qysqartýǵa múmkindik beredi.
***
«Keshe Memleket basshysy Nursultan Nazarbaev Ýkraına Prezıdenti Vıktor ıAnýkovıchpen telefon arqyly sóılesti», - dep jazady «Kazahstanskaıa pravda» gazeti. Áńgimelesý barysynda memleket basshylary Qazaqstan-Ýkraına qarym-qatynastarynyń keń aýqymyn, atap aıtqanda saýda-ekonomıkalyq yntymaqtastyqty jandandyrý máselesi men Qazaqstan Prezıdentiniń aǵymdaǵy jyldyń sáýirinde Ýkraınaǵa sapary kezinde qol jetkizgen kelisimderdi iske asyrý barysyn talqylady. Sonymen qatar halyqaralyq jáne aımaqtyq kún tártibindegi mańyzdy máseleler týraly pikir almasyldy.
