Dáriger úshinshi qabattan qulaǵan búldirshinniń jaǵdaıy týraly aıtty
ASTANA. QazAqparat - Úshinshi qabattan qulap ketip, keıin jol-kólik apatyna ushyraǵan qyzdyń jaǵdaıy qalypty aýyr, dep habarlaıdy «QazAqparat» HAA tilshisi.
Bul týraly №2 qalalyq balalar aýrýhanasy bas dárigeriniń emdeý-profılaktıkalyq jumystar jónindegi orynbasary Ulyqbek Asylbekov málimdedi.
«Búldirshin qazir jansaqtaý bóliminde jatyr, onyń jaǵdaıy aýyr, biraq qalypty. Onyń jaraqaty óte aýyr. Іshki aǵzalaryna qatty zaqym kelgen, jambas súıegi synǵan», - dedi U. Asylbekov.
Óz kezeginde dáriger balanyń ómirine qandaı da bir qaýiptiń tónip turmaǵandyǵyn atap aıtty.
«Kez kelgen adam mundaı jaraqat alǵanda, onyń jaǵdaıy bir kúnde jaqsaryp ketpesi anyq. Eń bastysy dál qazir onyń ómirine eshqandaı qaýip joq», - dedi aýrýhana dárigeri.
Eske salaıyq, Astanada úshinshi qabattyń terezesinen qulap ketken búldirshin qyzdy ata-anasy jeke kólikterimen aýrýhanaǵa alyp bara jatqan jolda jol-kólik apatyna ushyraǵan edi.
