Dáriger Sándibaevany óltirgen kúdiktiniń úıqamaqta qaldyrýdy suraǵan ótinishi aıaqsyz qaldy
QOSTANAI. QazAqparat - Sot psıhıatrııalyq saraptama ambýlatorııasynyń tóraǵasy Rashıda Sándibaevany óltirýdi uıymdastyrdy degen kúdikpen tutqyndalǵan Záýresh Izaldına bultartpaý sharasyn ózgerte almady, dep habarlady «QazAqparat» HAA tilshisi.
ÝUI-dan úıqamaqta ustaýǵa aýystyrý týraly qoldaýhaty keshe Qostanaı oblystyq sotynda qaraldy. Mekeme baspasóz qyzmetiniń habarlamasyna sáıkes bultartpaý sharasyn ózgertýge negiz tabylmady.
Budan buryn habarlanǵandaı, qoldaýhat boıynsha otyrys jabyq rejimde ótti.
Eske salsaq, Qostanaı oblystyq júıke aýrýlary dıspanseriniń bas dárigeri ASPS tóraıymy Rashıda Sándibaevany 20 aqpanda óz páterinde aıýandyqpen óltirgen. Kúdikti retinde eki adam ustaldy, tikeleı oryndaýshy Rýslan Ǵafarovqa izdeý jarııalandy. Qaza tapqandardyń týystary ol RF-ǵa Bashqurtstanǵa týystaryna ketip qalǵan dep sanaıdy, olar osy respýblıka turǵyndarynan ol týraly málimet berý jaıynda kómekke júgindi.
