Dáriger revaktsınatsııa kezinde nege basqa preparat qoldaný kerektigin túsindirdi

ALMATY. QazAqparat - Almaty óńirlik kommýnıkatsııalar qyzmetiniń alańynda S.D. Asfendııarov atyndaǵy Qazaq ulttyq medıtsına ýnıversıtetiniń juqpaly jáne tropıkalyq aýrýlar kafedrasynyń professory Ravılıa Egemberdıeva turǵyndarǵa revaktsınatsııa úshin preparatty nege aýystyrý kerektigin túsindirdi, dep habarlaıdy QazAqparat tilshisi.

Spıker vaktsına koronavırýstan qysqa qorǵanys beretinin eske saldy, sondyqtan búgin revaktsınatsııadan ótý usynylady.

Medıtsına ýnıversıtetiniń professory qaıta ekpeni basqa vaktsınamen alǵan durys ekenine senimdi.

«Immýnıtetti kúsheıtý úshin «basqa vaktsınatsııa» qaǵıdaty usynylady. Ár túrli vaktsınalar ımmýndyq reaktsııaǵa basqasha áser etedi, sondyqtan ekpeni basqa vaktsınamen aýystyrýdyń paıdasy bar», - dedi ol.

Onyń aıtýynsha, qaıta egý, bastapqy vaktsınatsııa sııaqty, aýrýdan keıin de ımmýndyq júıege vırýstyń kórinisin «eske túsirýge» kómektesedi, demek ımmýndyq reaktsııany jumyldyrý tez qabyldanady jáne derttiń deńgeıin ári ólim qaýpin tómendetedi.

Eske salsaq, halyqty jappaı revaktsınalaý 2022 jyldyń qańtarynda, al táýekel toptary úshin – bıylǵy jyldyń 22 qarashasynan bastaý josparda.