Dáriger naýqastyń ishinen 25 jyl boıy júrgen pıntsetti alyp shyqty
ASTANA. QazAqparat - Medıtsına ǵylymdarynyń doktory, «Innova» medıtsınalyq ortalyǵynyń onkohırýrg-dárigeri Iraklıı Todýa naýqas áıeldiń ishinen 25 jyl buryn basqa hırýrg qaldyrǵan pıntsetti alyp shyqty, dep habarlaıdy TASS .
«Dárigerlerge qaralǵan áıel múldem basqa aýrýǵa baılanysty em izdep kelgen. Denedegi bógde zatty, ıaǵnı pıntsetti biz oıda joqta tomografııa arqyly baıqap qaldyq», - deıdi Todýa.
Klınıkaǵa qaralǵan áıel 25 jyl buryn ót qabyna ota jasatqan eken. Hırýrg salǵyrttyǵynan medıtsına quraly naýqastyń ishinde qalǵan.
«Ol óziniń ishinde pıntset júrgenin 25 jyl boıy baıqamaǵan. Bógde zatty denesinen alyp tastadyq, qazir ózin jaqsy sezinedi», - dedi dáriger.
