Dáriger mártebesi týraly zań qabyldanýy múmkin be – Birtanovtyń jaýaby

NUR-SULTAN. QazAqparat – Qazaqstanda «Dárigerlerdiń mártebesi týraly» zań qabyldanýy múmkin be? Bul suraqqa Úkimettiń baspasóz ortalyǵynda QR Densaýlyq saqtaý mınıstri Eljan Birtanov jaýap berdi, dep habarlaıdy QazAqparat tilshisi.

«Dárigerler mártebesi týraly» zań jobasy ázirge bolmaıdy. Onyń sebebi - biz qazirgi ýaqytta densaýlyq saqtaý boıynsha arnaıy kodeks ázirlep, Parlamentke tapsyryp jatyrmyz. Kodekstiń deńgeıi zańǵa qaraǵanda joǵary bolady. Sonymen, dárigerlerdiń jáne medıtsınalyq qyzmetkerlerdiń mártebe boıynsha usynystary jańa kodeks jobasyna engizildi. Kodeks jobasyn talqylaý barysynda sońǵy jaǵdaılar kóterilgen. Dárigerlerden, qoǵamdyq uıymdardan usynystar kelip jatyr. Ol da túsinikti. Parlamenttiń ishinde bul máseleni talqylaımyz», - dedi ol Úkimettiń baspasóz ortalyǵynda.

Eljan Birtanovtyń aıtýynsha, ótken aptada Úkimet qajetti qaýlyny qabyldaǵan.

«Kodekstiń jobasy búgin Parlamentke ótkiziledi. Kelesi aptadan parlamenttik jumys bastalady», - dep túıdi mınıstr.