Dáriger koronavırýs pen pnevmonııanyń birikken statıstıkasyna qatysty pikir bildirdi

NUR-SULTAN. QazAqparat – Transfýzıologııa ǵylymı-óndiristik ortalyǵynyń dırektory Sánııa Abdrahmanova Qazaqstanda koronavırýs boıynsha birikken statıstıkaǵa kóshýge qatysty pikir bildirdi, dep habarlaıdy QazAqparat tilshisi.

«Statıstıkanyń biriktirý sheshimimen kelisemin. Meniń oıymsha, bul durys qadam, sebebi jaz aılarynda pnevmonııaǵa shaldyqqandar kóp tirkeldi. Mundaı patologııa osy merzimge tán emes. Kóp jaǵdaıda koronavırýs ınfektsııasyna tıesili sıpattar baıqalýda. Sondyqtan aýrýdyń eki túrin bir statıstıkaǵa biriktirý sheshimi durys boldy dep sanaımyn», - deıdi S. Abdrahmanova.

Aıta keteıik, 2020 jyldyń 1 tamyzynan bastap zerthanada anyqtalǵan COVID-19 ben PTR-test nátıjesi taza, biraq koronavırýs ınfektsııasynyń klınıkalyq jáne epıdemıologııalyq belgileri bar pnevmonııamen birge esepke alynady.

Sonymen qatar , Densaýlyq saqtaý mınıstri Alekseı Tsoı Qazaqstanda koronavırýs ınfektsııasyn juqtyrýdyń jaǵdaılaryn tirkeý boıynsha jańa statıstıkasynyń artyqshylyqtaryn atady.