Dáriger ımıdji kóterilgende jemqorlyq faktileri qysqarýy múmkin - Vladıslav Shýl
Memlekettik qyzmetshiler arasynda sybaılas jemqorlyqqa qarsy mádenıetti qalyptastyrý maqsatynda Aqmola oblysy boıynsha sybaılas jemqorlyqqa qarsy is-qımyl departamenti men óńirlik aqparattyq-aǵartý shtabymen birlesip oblystyq densaýlyq saqtaý basqarmasy janyndaǵy kópsalaly oblystyq aýrýhananyń eńbek ujymymen kezdesý ótkizdi.
Kezdesý barysynda Departamenttiń aldyn alý jáne parasattylyq basqarmasynyń basshysy Baqytjan Ámirhanov qatysýshylardy birinshi basshylardyń baǵynyshtylardyń sybaılas jemqorlyq úshin jaýapkershiligi týraly habardar etti.
Sondaı-aq, ol memlekettik organdardyń basshylary qyzmetkerler arasynda sybaılas jemqorlyq quqyq buzýshylyqtarǵa jol bermeý maqsatynda aldyn alý is-sharalaryn júrgizýge mindetti ekenin atap ótti. Júıeli túrde sharalar qabyldanbaǵan jaǵdaıda olar tártiptik jaýapkershilikke tartylatyn túsindirdi.
«Bizde tegin dárigerlik kómek bolsa da, kóptegen sapaly medıtsınalyq qyzmetterdi tek aqshaǵa ǵana alýǵa bolady. Qylmystyq quqyq turǵysynan mundaı beıresmı qarjylyq qatynastar sybaılas jemqorlyq bolyp sanalady. Jumysta minsiz jáne tazalyqty beıneleıtin aq tústi halat kıgen dárigerler árdaıym parasatty jáne ádepti bolýy tıis», - dedi Baqytjan Ámirhanov
Kezdesýde Departament janyndaǵy Arnaıy monıtorıngtik toptyń tóraǵasy, óńirlik Aqparattyq-aǵartýshylyq shtabtyń múshesi Vladıslav Shýl óz sózinde osyǵan deıin oblystyq densaýlyq saqtaý basqarmasymen birlese otyryp, 2019-2021 jyldary bala ólimin azaıtý baǵytynda qolǵa alynǵan is-sharalardy oryndaý boıynsha 26 medıtsınalyq uıymǵa monıtorıng júrgizilgenin habardar etti. Baǵalaý qorytyndysy boıynsha turǵyndar arasynda trıajdyń jańa júıesi, emhanalar men aýrýhanalardyń ınfraqurylymy, bosandyrý men balalyq shaqtyń medıtsınalyq statsıonarlaryndaǵy mamandardyń kadrlyq jetispeýshiligi, medıtsınalyq uıymdardy baqylaýshy organdardyń tekserý qaǵıdattary jáne basqa da kóptegen máseleler týraly aqparattyq-túsindirý jumystaryna qatysty birqatar usynymdar shyǵaryldy.
«Medıtsınalyq qyzmetkerlerdiń áleýmettik mártebesin arttyrý óte mańyzdy. Negizinen, kóp jaǵdaıda naýqastar quqyǵy basym sanalady. Biraq dárigerler árdaıym kináli emes jáne olar da memleket tarapynan qoldaýdy qajet etedi. Dárigerler ımıdjin kótergen jaǵdaıda medıtsına salasyndaǵy paraqorlyq jaǵdaılary qysqarýy múmkin», - dep túıindedi Vladıslav Shýl.