Dáriger: Epıdemııalyq parotıttiń aldyn alý úshin balalarǵa ekpe egý kerek
Epıdemııalyq parotıt «boryqtaný» dep te atalady, sebebi, bul ınfektsııada silekeı bezderiniń qabynýy baıqalady, ol bet pishininiń ózgerýine ákeledi. Bul týraly Almaty qalasynyń sanıtarııalyq-epıdemıologııalyq baqylaý departamentiniń ınfektsııalyq jáne parazıttik aýrýlardy epıdemıologııalyq baqylaý bóliminiń basshysy Almash Ahmetova aıtty.
Dáriger sózine qaraǵanda, boryqtanýǵa ár adam ushyraıdy. Alaıda, vırýs kóbinese 3 jastan 15 jasqa deıingi balalarǵa áser etedi, sebebi, bul jasta ımmýndyq júıe áli tolyq qalyptaspaıdy. Biraq, parotıt áldeqaıda jeńil ótedi.
«Patologııanyń damýy parotıt vırýsyn týdyrady. Ol aǵzaǵa tynys alý joldary arqyly enedi. Naýqastyń aınalasyndaǵy adamdar onymen jaqyn baılanysta bolǵanda juqtyrady. Qozdyrǵysh silekeımen shyǵarylady. Adam bul aýrýmen ásirese qys, kóktem mezgilderinde jıi aýyrady», - dedi Almash Ahmetova.
Dáriger bul derttiń belgileri jaıynda da aıtty.
«Aýrý ınfektsııa juqtyrǵan soń 11-23 kúnnen keıin, sondaı-aq jedel túrde qyzba, ıntoksıkatsııa, tamaq shaınaý kezinde jáne aýyzdy ashqanda aýyrsynýdan bastalady. Qulaqtyń artynda ortasha aýyrsyný baıqalady. Bir apta ishinde ekinshi bezdiń isinýi paıda bolady. Til asty bezi zaqymdanǵanda ıek aımaǵynda aýyrsyný seziledi. Silekeıdiń jınalýy tómendeıdi. Oǵan qusý qosylady»,- dedi dáriger.
Parotıt asqynǵanda: mı qabyǵynyń qabynýy, uıqy beziniń qabynýy, qulaq aýrýlary (sańyraýǵa bolýǵa deıin) asqynady.
«Parotıttiń aldyn alýdyń jalǵyz joly - balalardy vaktsınatsııalaý. Ol óziniń tıimdiligin dáleldedi jáne 100% nátıje beredi. Vaktsınatsııa 1 jáne 6 jas aralyǵyndaǵy qyzylsha men qyzamyqqa qarsy profılaktıkamen bir mezgilde júrgiziledi», - dedi epıdemıologııalyq dáriger Almash Ahmetova.