Dáriger aǵylshyn tilin bilýge mindetti - Elbasy
«Negizi, adam medıtsınaǵa óz qalaýymen, óz yqylasymen baryp, dáriger bolýy tıis. Sebebi adamnyń aǵzasy - ol Jaratýshynyń eń kúrdeli mehanızmi.Sondyqtan medıtsına jolyna burylys-qaltaryspen túsýge bolmaıdy. Jaqynda aıtty ǵoı, dıplomdy satyp alyp, ýnıversıtetke tústi dep. Ondaı dárigerdiń qolyna túsýden qudaı saqtasyn. Sol sebepti barlyq medıtsınalyq ýnıversıtterdiń stýdentterine aıtarym, kún saıyn medıtsına ǵylymy tyń jańalyqtardy shyǵaryp jatady. Sony bárin bilip otyrý qajet. Ol úshin dáriger aǵylshyn tilin mindetti túrdi bilýi tıis. Álemdik ádebıetterdi únemi oqyp otyrǵan jón. Tyń jańalyqtardan tys qalmaý qajet», - dedi N.Nazarbaev Qazaqstan halqy Assambleıasynyń XXVІ sessııasynda.
Prezıdenttiń aıtýynsha, árbir dáriger adamǵa jaqyn bolýy qajet. Onyń ishki jan-dúnıesin túsinýi kerek. «Naǵyz dáriger patsıentti jaqsy kórýi tıis. Aýyryp jatqan adamdy qolynan alyp, sıpap, qoldaý jasaı bilýi kerek. Mine, shyn dáriger sondaı», - dep atap kórsetti N.Nazarbaev.
Aıta keteıik, sessııa kezinde Memleket basshysy óz densaýlyǵyna qalaı qaraıtynyn aıtyp berdi.
