Darıǵa Shákimova bokstan Azııa chempıonatynda altynǵa ıe boldy
ASTANA. QazAqparat - Búgin qytaılyq Ýlanchab qalasynda áıelder arasyndaǵy bokstan Azııa chempıonatynyń sońǵy kúni. Qazaqstandyq sportshy Darıǵa Shákimova altyn medalǵa ıe boldy.
Fınalǵa joldama alǵan jalǵyz qazaqstandyq, 75 keli salmaqqa deıingi dárejede básekelesetin D.Shákimova aqtyq synda qytaılyq Lı Kıýandy - 3:0 esebimen tize búktirdi. Osylaısha, ol ekinshi ret Azııa chempıony atandy. Buryn ol 2010 jyly 69 kelige deıingi salmaqta bul ataqqa qol jetkizgen bolatyn, dep habarlady Qazaqstan boks federatsııasynyń baspasóz qyzmetinen.
