Darıǵa Nazarbaevaǵa «Barys» ordeni tabys etildi
ASTANA. 14 jeltoqsan. QazAqparat - Memleketimizdiń ulyq merekesi - táýelsizdik kúni qarsańynda Májiliste memlekettik marapattardy tapsyrý rásimi ótti.
Bul týraly QR Parlamenti Májilisiniń baspasóz qyzmetinen habarlandy.
Elbasynyń Jarlyǵynda atap kórsetilgendeı, memlekettik jáne qoǵamdyq qyzmettegi eńbekteri úshin, áleýmettik-ekonomıkalyq salany, rýhanııatty damytýǵa, halyqtar arasyndaǵy dostyq pen birlikti nyǵaıtýǵa qosqan úlesteri úshin: II dárejeli «Barys» ordenimen Májilis depýtaty Darıǵa Nazarbaeva, «Parasat» ordenimen Ersultan Bekturǵanov, Meıram Pishembaev jáne Muhtar Tinikeev, sonymen birge, Májilistiń aýdarma jáne redaktsııalaý bóliminiń jetekshisi Dáýitáli Omashuly «Qurmet» ordenimen marapattaldy.
Al, «Eren eńbegi úshin» medaline májilismender Galına Baımahanova, Túlesh Kenjın, Zýhra Saıapova, Almas Tortaev jáne apparat qyzmetkerleri Hýlımat Áýbákirova, Balhııa Dáýletov ıe boldy.
Sondaı-aq, Májilistiń birqatar úzdik qyzmetkerlerine Qazaqstan Respýblıkasynyń Qurmet gramotasy tabys etildi.
Memlekettik marapattardy tapsyrý rásimi barysynda Májilis Tóraǵasy Nurlan Nyǵmatýlınniń atap ótkenindeı, elimizdiń osy kúnge deıin jetken jetistikteri eń aldymen, Elbasy Nursultan Nazarbaevtyń atymen jáne eren eńbegimen baılanysty. Sondaı-aq, Qazaqstandaǵy parlamentarızmdi qalyptastyrý men damytý jolynda da Prezıdenttiń róli óte zor.
- Búgingi kúni kóppartııaly Parlamenttiń jumysy eń aldymen, Elbasy Strategııasyn tabysty oryndaý úshin zańnamalyq qamtamasyz etýge baǵyttalǵan,- dedi Nurlan Nyǵmatýlın
Jınalǵandar Elbasyna alǵys-tilekterin arnap, Qazaqstannyń táýelsizdigin tuǵyrly etý jolynda aıanbaı eńbek ete beretinderin jetkizdi.
