Darıǵa Nazarbaeva «Jumyspen qamtý -2020» baǵdarlamasyna «Qurylys jumystary» babyn engizýdi usyndy
ASTANA. 26 qarasha. QazAqparat - Qazaqstandaǵy qurylys salasynda bilikti mamandar jetispeıdi.
Bul týraly búgin QR Parlamenti Májilisiniń arnaıy ýaqytsha komıssııasynyń kóshpeli otyrysynda QR Parlamenti Májilisi Áleýmettik-mádenı damý komıtetiniń tóraıymy Darıǵa Nazarbaeva málimdedi.
«Búginde qurylys materıaldarynyń 80 paıyzǵa jýyǵy Qazaqstanda jasalyp, satylady. Jumys kólemi artyp keledi. Degenmen, búginde bul salada bilikti mamandarǵa degen qajettilik tym joǵary. Osyǵan baılanysty, meniń pikirimshe, «Jumyspen qamtý - 2020» memlekettik baǵdarlamasyna «Qurylys jumystary» degen bap engizý qajet sııaqty», - dedi ol.
Sondaı-aq, ol búginde elimizdegi turǵyn úı salasy boıynsha 9 memlekettik baǵdarlama jumys istep kele jatqanyn ataı kele, «Bul degenińiz jumystyń orasan zor kólemi - jyl saıyn nemese jýyrdaǵa 5 jyl kóleminde mıllıondaǵan sharshy metr turǵyn úı beriletin bolady. ıAǵnı, ásirese jastar úshin jumys kóp degen sóz. Memlekettiń kómegi arqyly jumys taýyp alýǵa bolady. Qazaqstanda jumys degen jetip artylady!» - dedi D. Nazarbaeva.
Onyń aıtýynsha, QR Parlamenti Májilisiniń arnaıy ýaqytsha komıssııasynyń bul kóshpeli otyrysy 2012 jyly 7 jeltoqsanda ótetin «Halyqty turǵyn úımen qamtamasyz etýdiń jaı-kúıi jáne perspektıvalary týraly» taqyrybyndaǵy parlamenttik otyrysqa degen daıyndyq jumysynyń bir bóligi bolyp tabylady.
«7 jeltoqsanda biz parlamenttik tyńdalym ótkizemiz. Onyń eń alǵashqysyn turǵyn úı máselesine arnaýdy jón kórdik», - dedi depýtat.
