Darıǵa Nazarbaeva tilshilermen kezdesti
NUR-SULTAN. QazAqparat – Búgin Parlament Senatynyń tóraǵasy Darıǵa Nazarbaeva parlamenttik tilshilermen kezdesti, dep habarlaıdy QazAqparat.
D. Nazarbaeva Parlament joǵarǵy Palatasynyń ótken jylǵy jumysyn qorytyndylap, aldaǵy josparlar týraly áńgimeledi.
«Qazaqstan Prezıdenti Qasym-Jomart Toqaevtyń Parlament aldyna qoıǵan mindetteri oryndaldy, atqarylǵan jumystardyń nátıjesin biz maqtan tutamyz ári aldaǵy jyldyń qańtar aıynda depýtattar el aımaqtarynda saılaýshylarmen kezdesýde ol týraly aıtyp beredi», - dedi Senat tóraǵasy.
Sonymen qatar Darıǵa Nazarbaeva Senattyń bastamasymen jýrnalısterge arnalǵan konkýrstar týraly eske saldy.
«Kelesi jyly Senat pen ekologııalyq jýrnalıstıka salasyndaǵy materıaldar negizinde eń jaqsy jýrnalıstik zertteýge konkýrs ótkizý týraly ýádeni umytqan joqpyz. Baıqaý bastaldy, jumystaryńyzdy jiberińizder, zertteý júrgizińizder, shyǵarmashylyq talant pen azamattyq ustanym kórsetińizder. Men bárińizdi belsendi túrde qatysady dep úmittenemin», - dedi Senat Tóraǵasy.
Senat basshysy buqaralyq aqparat quraldarynyń ókilderine birlesken jumysy úshin alǵysyn bildirdi jáne jýrnalısterdiń kásibıligi men jeke qasıetterin atap ótip, kele jatqan Jańa jyl merekesimen quttyqtady.
«Sizdiń qajyrly eńbekterińiz, kómekterińiz úshin alǵys aıtamyn. Jańa jyl qarsańynda Sizderge zor densaýlyq, baq-bereke, sáttilik pen tabys tileımin. Jańa 2020 jyl qutty bolsyn! Jarqyn mereke barshamyz úshin jaqsylyqtyń bastaýy bolǵaı!», - dedi Darıǵa Nazarbaeva.
