Darıǵa Nazarbaeva teatr qyzmetkerlerin quttyqtady
NUR-SULTAN. QazAqparat - Qazaqstan Respýblıkasy Parlamenti Senatynyń Tóraǵasy Darıǵa Nazarbaeva Halyqaralyq teatr kúnine oraı teatr qyzmetkerlerine quttyqtaý jedelhatyn joldady. Bul týraly QazAqparat Senattyń baspasóz qyzmetine silteme jasap habarlaıdy.
«Elimizdiń rýhanı kelbetin jańǵyrtýǵa baǵyttalǵan Elbasynyń "Rýhanı jańǵyrý" baǵdarlamasyn iske asyrýda teatr óneriniń alatyn orny erekshe. Sizderge shyǵarmashylyq tabys, shalqar shabyt pen barlyq bastamalaryńyzǵa sáttilik tileımin!», - dep atap ótti Senat Tóraǵasynyń quttyqtaýynda.
Búgingi tańda Qazaqstanda 68 teatr bar, onyń 51-i memlekettik, 17-i jekemenshik bolyp tabylady. «Astana Opera» jáne «Astana Balet» ujymdary Qazaqstan mádenıetindegi aldyńǵy saptaǵy óner ordalary. «Astana Opera» teatrynyń ártisteri ótken jyly Marıınskıı teatrynda, Oman Respýblıkasyndaǵy Koroldik Maskat opera teatrynda, ıtalıalyq Karlo Felıche teatrynda sátti óner kórsetken bolatyn. «Astana Balettiń» qoıylymdaryn Belgııa, Túrkııa, Reseıde tamashalady.
Qazirgi kezde respýblıkamyzdaǵy memlekettik teatrlarda 7291 adam jumys isteıdi.
