Darıǵa Nazarbaeva: Sırııa máselesinde seń qozǵaldy
ASTANA. QazAqparat - Parlament Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Darıǵa Nazarbaeva bastaǵan osy komıtettiń músheleri Qazaqstannyń 2014-2020 jyldarǵa arnalǵan Syrtqy saıasat tujyrymdamasyn iske asyrý máselelerin talqylady.
D.Nazarbaeva geosaıasat jáne álemdik dıplomatııada Astana protsesi retinde tarıhqa engen Sırııadaǵy jaǵdaıdy retteý jónindegi kelissózderdiń aıaqtalýymen Syrtqy ister mınıstrliginiń ujymyn quttyqtady. «Bul Elbasymyzdyń saıası kúsh-jigeri men bizdiń elimiz dıplomattarynyń qajyrly qyzmetiniń arqasynda múmkin boldy. Osynaý asa mańyzdy ári nátıjeli jumys úshin komıtettiń atynan alǵys aıtamyn. Jedel nátıjeni eshkim kútip otyrǵan joq, degenmen, eń bastysy, Sırııa máselesindegi seń qozǵaldy, endi onyń oń baǵytta ǵana damıtynyna senim artamyz», - dedi senator.
Syrtqy ister mınıstri Qaırat Ábdirahmanov syrtqy saıası qyzmettiń qaǵıdattary men qadamdary, maqsattary men mindetteri jáne basymdyqtary jónindegi negizgi máseleler kórinis tapqan Syrtqy saıasat tujyrymdamasymen senatorlardy egjeı-tegjeıli tanystyrdy. 2017-2018 jyldarǵa Birikken Ulttar Uıymy Qaýipsizdik Keńesiniń turaqty emes múshesi laýazymyndaǵy Qazaqstannyń jumysyndaǵy basymdyqtarǵa erekshe nazar aýdaryldy.
D.Nazarbaeva BUU Qaýipsizdik Keńesindegi qazaqstandyq dıplomattardyń jumysyn respýblıkalyq elektrondyq buqaralyq aqparat quraldary men basylymdarda jarııa etýdi ulǵaıtý qajettigine nazar aýdaryp, alǵa qoıylǵan mindetterge qol jetkizýde elshiler qaýymyna tilektestigin jetkizdi.
Kezdesýde sondaı-aq, Qazaqstan Respýblıkasynyń BUU Qaýipsizdik Keńesine músheligi barysynda Syrtqy ister mınıstrligi men Parlamenttiń ózara baılanysy; Qazaqstannyń sheteldegi dıplomatııalyq ókildikteriniń is-qımyly; elimizge ınvestıtsııalar men jańa tehnologııalardy tartýdaǵy Qazaqstannyń syrtqy saıasatyn ilgeriletý; Syrtqy ister mınıstrligi qyzmetkerleriniń áleýmettik saladaǵy ózekti máseleleri talqylandy.
Senatorlar Nurtaı Ábiqaev, Ikram Adyrbekov, Muhtar Altynbaev, Serik Jaqsybekov jáne Georgıı Kım elimizdiń syrtqy saıasat mekemesiniń jumysyn jetildirý jónindegi óz usynystaryn ortaǵa saldy.
