Darıǵa Nazarbaeva Sıngapýr SІM erekshe tapsyrma boıynsha elshisimen kezdesti
ASTANA. QazAqparat - Parlament senatynyń halyqaralyq qatynastar, qorǵanys jáne qaýipsizdik komıtetiniń tóraǵasy Darıǵa Nazarbaeva Sıngapýr SІM erekshe tapsyrma boıynsha elshisi Bılaharı Kaýsıkandy qabyldady.
Qonaqty qarsy alǵan Darıǵa Nazarbaeva Sıngapýr Ońtústik Shyǵys Azııadaǵy Qazaqstannyń mańyzdy saıası jáne saýda-ekonomıkalyq áriptesi bolyp tabylatynyn atap ótti. «Joǵary deńgeıde senimgerlik dıalog ornatyldy, parlamentter, úkimetter jáne iskerlik orta deńgeıinde baılanystar júzege asýda», - dedi senator.
«Astana klýby» otyrysyna qatysý úshin Qazaqstanǵa kelgen Bılaharı Kaýsıkan Eýrazııany damytýdyń negizgi máselelerin talqylaýǵa arnalǵan halyqaralyq saraptamalyq alańnyń uıymdastyrýy men mazmuny joǵary deńgeıde ekenin atap ótti. «Mundaı bastamany jalǵastyrý qajet» , - dedi dıplomat.
Ekijaqty qatynastardyń damýyna qanaǵattanǵandyǵyn bildirgen Kaýsıkan Darıǵa Nazarbaevany Sıngapýrǵa saparmen kelýge shaqyrdy. Senator Astanada ótetin EKSPO-2017 halyqaralyq kórmesine sıngapýrlyq kompanııalardyń qatysatynyna senim bildirdi.
