Darıǵa Nazarbaeva Senatta qorǵanys jáne qaýipsizdik máselelerin basqaratyn boldy
ASTANA. QazAqparat - Búgin QR Parlamenti Senatynyń alqa májilisinde Darıǵa Nazarbaeva Halyqaralyq qatynastar, qorǵanys jáne qaýipsizdik komıtetiniń tóraıymy bolyp saılandy.
Aıta keteıik, ótken aptada Darıǵa Nazarbaeva QR Premer-Mınıstriniń orynbasary qyzmetinen QR Parlamenti Senatynyń depýtaty qyzmetine aýysqan bolatyn.
Onyń kandıdatýrasyn QR Parlamenti Senatynyń plenarlyq otyrysynda Palata tóraǵasy Qasym-Jomart Toqaev usyndy.
«Biz bárimiz bilemiz, bul kisiniń bul salada tájirıbesi mol. Sondyqtan talqylaýdyń qajeti joq shyǵar», - dedi Q. Toqaev.
Qaýlyny depýtattar biraýyzdan qoldady.
«Darıǵa Nursultanqyzy, komıtet tóraıymy retinde senattyń jumysyna jańa serpin beresiz dep bárimiz senemiz», - dedi ol.
