Darıǵa Nazarbaeva Senat spıkeri retinde alǵashqy jalpy otyrysyn ótkizip jatyr
NUR-SULTAN. QazAqparat - Búgin Darıǵa Nazarbaeva Parlament Senatynyń spıkeri retinde alǵashqy jalpy otyrysty ótkizip jatyr, dep habarlaıdy QazAqparat tilshisi.
Búgingi otyrys barysynda Darhan Satybaldynyń depýtattyq ókilettigin toqtatý, depýtat Qaırat Qojamjarovty Senattyń turaqty komıtetiniń quramyna saılaý, sondaı-aq Senattyń Halyqaralyq qatynastar, qorǵanys jáne qaýipsizdik turaqty komıtetiniń tóraǵasy qyzmetine Muhtar Qul-Muhammedti saılaý máseleleri qaraldy.
Budan bólek senatorlar «Qazaqstan men Vetnam arasyndaǵy qylmystyq ister boıynsha ózara quqyqtyq kómek týraly shartty ratıfıkatsııalaý týraly» zań jobasyn, «Arnaıy ekonomıkalyq jáne ındýstrııalyq aımaqtar týraly» zań jobasyn talqylaıtyn bolady.
Esterińizge sala keteıik, buǵan deıin Darıǵa Nazarbaeva Parlament Senaty Halyqaralyq qatynastar, qorǵanys jáne qaýipsizdik turaqty komıtetiniń tóraǵasy qyzmetin atqarǵan edi. Bıylǵy 20 naýryz kúni Darıǵa Nazarbaeva QR Parlamenti Senatynyń spıkeri bolyp saılandy.
