Darıǵa Nazarbaeva Reseı úkimetiniń basshysy Dmıtrıı Medvedevpen kezdesti
Qazaqstan Respýblıkasy Parlamenti Senatynyń Tóraǵasy Darıǵa Nazarbaeva Reseı Úkimeti Tóraǵasynyń «Gorkı» rezıdentsııasynda Reseı Federatsııasy Úkimetiniń Tóraǵasy Dmıtrıı Medvedevpen kezdesti.
Taraptar memleketter arasynda qarqyndy saıası únqatysý qalyptasqanyn, ekonomıkalyq tyǵyz baılanystar ornaǵanyn, barlyq salaldaǵy yntymaqtastyq ózara tıimdi damyp kele jatqanyn atap ótti. Ónerkásip kooperatsııasyn damytý, Qazaqstan men Reseı kásiporyndary arasyndaǵy eki jaqty jobalardy iske asyrý kózdelip otyr.
Talqylaý barysynda Qazaqstan azamattarynyń Reseı aýmaǵynda júrip-turý jáne bolý jaǵdaılaryn quqyqtyq qamtamasyz etý, shekaralyq ótkizý beketteriniń mártebesin ózgertý, jalpylama Ekologııalyq úlgi kodeksti ázirleý, Qazaqstan aýmaǵyndaǵy polıgondardyń ekologııasy, sondaı-aq sý resýrstaryn, onyń ishinde transshekaralyq ózenderdi bólý máseleleri qozǵaldy.
Darıǵa Nazarbaeva kezdesý barysynda sondaı-aq qazaqstandyq kómirdi Reseı men Ýkraınaǵa jetkizý máselesin de kóterdi. Senat Tóraǵasynyń aıtýynsha, júkti Reseı aýmaǵynan shyǵarýǵa jáne sol aýmaqtan Ýkraınaǵa tranzıtke shekteýler engizilgennen keıin birinshiden qazaqstandyq kásiporyndarǵa ýkraın naryǵyna kirý múmkindigi jabyldy, ekinshiden Reseı naryǵy aıtarlyqtaı qysqaryp qaldy.
«Qazaqstandyq kómirdi ótkizetin basqa naryqtar joq. Baǵanyń quldyraýy men kólik shyǵyndarynyń ósýine baılanysty Eýropalyq baǵyt is júzinde toqtady. Reseılik sharalar bizdiń kómir óndirýshi kásiporyndardy osyndaı jaǵdaımen toqtaýdyń shegine ákelip otyr», - dedi D. Nazarbaeva.
Reseı Úkimetiniń Tóraǵasy Dmıtrıı Medvedev Qazaqstan Parlamenti Senatynyń Tóraǵasy saparynyń mańyzdylyǵyn atap ótti jáne Reseı men Qazaqstan arasyndaǵy baılanys aýqymdylyǵymen jáne tereńdigimen erekshelenetinin aıtty.
Reseı Federatsııasy úkimetiniń basshysy talqylanǵan barlyq taqyryptar boıynsha tıisti tapsyrmalar berilgenine erekshe nazar aýdartty.
«Búgin kóterilgen máseleler oń sheshimin tabady. Jaıyq ózeni boıynsha birlesken komıssııa qurý jónindegi qajetti is-qımyldyń bárin óz orynbasarym Alekseı Gordeevke júzege asyrýdy tapsyramyn. Ortaq máselelerdi ózara tıimdi jaǵdaıda sheshý qajet», - dedi D. Medvedev.
