Darıǵa Nazarbaeva: Otandyq ónimdi jarnamalaýǵa óner juldyzdaryn tartý kerek

NUR-SULTAN. QazAqparat – Parlament Senatynyń Tóraǵasy Darıǵa Nazarbaeva qazaqstandyq jeńil ónerkásip salasynyń ókilderin ónim jarnamasyna erekshe nazar aýdarýǵa shaqyrdy, dep habarlaıdy QazAqparat tilshisi.

Búgin Senatta elimizdegi jeńil ónerkásip taqyrybyna arnalǵan parlamenttik tyńdaý ótip, onda saladaǵy negizgi máseleler qaraldy.

Jeńil ónerkásip salasy ónimderine laıyqty jarnama jasaý kerektigine toqtalǵan Senat tóraǵasy, «Tabysty kompanııalar únemi tanymal ári ataqty adamdardy ózderiniń ónimderin nasıhattaýǵa tartady. Qazaqstanda otandyq ónerdiń, estradanyń jáne sporttyń juldyzdary barshylyq», - dedi.

Osy oraıda, D. Nazarbaeva taýarlardy jarnamalaý úshin tanymal adamdardy yntymaqtastyqqa shaqyrý kerektigin atap ótti.

«Eger de Dımash Qudaıbergen tek otandyq fabrıkanyń aıaq kıimimen sahnaǵa shyqsa, óte jaqsy ǵoı. Sonymen qatar, otandyq óndirýshilerdiń kıimderin kıse, ońtaıly nátıje bolatyny anyq. Munymen qosa, bizde osy saladaǵy sporttyq ónimdi jarnamalaýǵa qaýqarly sportshylarıda az emes. Osy sharalarǵa ýaqyt pen qarjy bólý kerek. Bul turǵyda óner ári sport juldyzdary ózderiniń úlesin qosýǵa daıyn dep oılaımyn», - dedi Darıǵa Nazarbaeva.

Budan buryn habarlanǵandaı, Darıǵa Nazarbaeva jeńil ónerkásiptiń áleýmettik mańyzdylyǵy týraly aıtty.

Óz kezeginde senator Manap Kóbenov otandyq jeńil ónerkásip salasyna kotrafaktilik ónimniń keltirip otyrǵan shyǵyny týraly aıtty.