Darıǵa Nazarbaeva: Óńdeý ónerkásibine basa nazar aýdarylýy kerek
Oǵan vıtse-spıkerler Bektas Beknazarov, Asqar Shákirov, Ekonomıkalyq saıasat, ınnovatsııalyq damý jáne kásipkerlik komıtetiniń tóraǵasy Serik Jaqsybekov, Qarjy jáne bıýdjet komıtetiniń tóraǵasy Olga Perepechına, Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy Álı Bektaev qatysty.
Darıǵa Nazarbaeva kirispe sózinde ekonomıkany jańǵyrtý jónindegi memlekettik komıssııa memleketten qoldaý kórsetiletin júıe quraýshy kásiporyndardyń aldyn ala tizilimin anyqtaǵanyn atap ótti.
«Kásiporyndardyń qazirgi tiziminde qurylys pen saýda kompanııalarynyń úlesi kóbirek, al taý-ken jáne óńdeý ónerkásibi kenje qalǵan. Ekonomıkalyq strategııanyń basty maqsaty - ımportty almastyrý saıasatyn kúsheıtý bolsa da osy. Azyq-túlik qaýipsizdigi máselesi - asa mańyzdy ári biz ózimiz óndiretin azyq-túliktiń ımportynan nemese onsyz da ómir súre alatyn ónimderden bas tartý kerek», - dep atap ótti Darıǵa Nazarbaeva.
Senatorlar talqylaý barysynda kásiporyndardy júıe quraýshy ólshem sharttaryna jatqyzatyn ólshem sharttar júıesin jańartý, tujyrymdamalar men tásilderdi qaıta qaraý qajettigin, óıtkeni qazirgi ólshemder qarapaıym zattar ekonomıkasy strategııasy men ekonomıkalyq ahýalǵa saı kelmeı otyrǵanyn atap ótti.
Jıynda sóz alǵan Tóraǵa orynbasary Bektas Beknazarov memlekettik kómek agroónerkásip keshenin qalpyna keltirýge baǵyttalýy qajet ekenin atap ótti. Ol sondaı-aq 2011 jyly ólshem sharttardy qurý týraly buıryq jaryq kórgenin jáne Jeke kásipkerlik týraly zań onyń negizi bolǵanyn, ol zańnyń 2015 jyly kúshi joıylǵanyn jetkizdi.
«Bizge osy tujyrymdamalar men tásilderdi túbegeıli qaıta qaraý kerek. Aldymen halqymyz toq bolýy úshin azyq-túlik qaýipsizdigin qamtamasyz etý qajet. «Júıe qurýshy» degen uǵymnan bas tartý kerek. Tujyrymdama basqasha bolýy tıis», - dedi B.Beknazarov.
Bul rette jergilikti atqarýshy organdarǵa osy másele boıynsha óz oılaryn ortaǵa salýǵa múmkindik berilýi kerek. Senatorlar memlekettik qoldaý ataýly ári dál bolýy, al kásiporyndardy tańdaý ólshemderi men olardy qoldaý tetikteri jalpyǵa birdeı bolmaı, ár salanyń ereksheligi eskerile otyryp ázirlenýi tıis ekenin atap ótti.
«Óńdeý ónerkásibine basa nazar aýdarylýy kerek. Kásiporyndar tizimi jańa krıterıılerdi eskere otyryp qaıta qaralýy tıis», - dedi D.Nazarbaeva.
Memleketten kómek alýǵa úmitker kásiporyndar ózderine qandaı mindettemeler alatynyn taldaý jasap, naqty anyqtaý qajet.
«Bul tizimmen eshqandaı asyǵýǵa bolmaıdy. Ázirge memlekettik kómek tetikteri men quraldary naqty túsinikti emes, zańnamalyq baza da daıyn emes. Qoldaýǵa talaptanatyn árbir kásiporyn resmı ólshemsharttarǵa saı kelip qana qoımaı, olar jurtshylyq aldynda jumys oryndaryn saqtaýǵa jáne ulǵaıtýǵa, salyqtyq túsimder, damýǵa ınvestıtsııa salý josparyna saı ishki suranys pen eksportty qanaǵattandyrýǵa mindettemeler alýy tıis. Onsyz bolmaıdy, qazir ýaqyt basqa», - dep atap ótti Darıǵa Nazarbaeva.
Keńes qorytyndysy boıynsha Qazaqstan Respýblıkasy Parlamenti Senaty depýtattarynyń atynan Úkimetke Júıe quraýshy kásiporyndardyń tásildemeleri men ólshemderi tizilimin qalyptastyrýǵa qatysty usynystar ázirlenetin boldy.
