Darıǵa Nazarbaeva múgedek balalardyń jaǵdaıyna alańdaýshylyq bildirdi
NUR-SULTAN. QazAqparat - QR Parlamenti Senatynyń tóraǵasy Darıǵa Nazarbaeva Atyraýda sóıleý qabileti nashar balalarǵa arnalǵan mektep-ınternatynda zań buzý áreketteriniń oryn alýyna alańdaýshylyq bildirdi. Bul týraly QR Parlamenti Senatynyń baspasóz qyzmeti habarlady.
Baspasóz qyzmetiniń prokýratýra málimetterine silteme jasaı otyryp habarlaýynsha, ınternatta ata-anasynyń qamqorlyǵynsyz qalǵan 98 bala turyp jatyr. Prokýrorlar mektep tárbıeshileriniń múgedek balalarǵa qatal qarap, kúsh qoldanǵanyn anyqtaǵan. Tárbıeshiler balalardy uryp-soǵyp, olardy jumysqa jegip kelgen.
Senat basshysynyń aıtýynsha, mektep-ınternatynyń tárbıelenýshilerine qataldyq tanytqandar zańnamaǵa sáıkes, barynsha qatań jazalanýy kerek.
«Qorǵaýsyz qalǵan múgedek balalarǵa degen adamǵa jat áreketter bizdiń qabyrǵamyzdy qaıystyrdy. Biz ınternattaǵy jaǵdaıdy túbegeıli ózgertý kerek sanaımyz jáne jaǵdaıdy óz baqylaýymyzǵa alamyz. Menińshe, mundaı jaǵdaılar áleýmettik qyzmet ókilderiniń nemquraıdylyǵynan týyndap otyr»,-dedi D.Nazarbaeva.
«Atalǵan fakt Joǵarǵy palatanyń jiti qadaǵalaýynda bolady»,-dep habarlady QR Parlamenti Senatynyń baspasóz qyzmeti.
