Darıǵa Nazarbaeva Mıhaıl Gýsmanmen kezdesti
NUR-SULTAN. QazAqparat - Senat basshysy Darıǵa Nazarbaevanyń TASS bas dırektorynyń birinshi orynbasary Mıhaıl Gýsmanmen kezdesýi barysynda «Deglobalızatsııa: Álem damýdyń jańa úlgilerin izdestirýde» otyrysy aıasynda bolǵan pikirtalastar talqylandy, dep habarlaıdy Joǵary Palatanyń baspasóz qyzmeti.
Onda tóraǵalyq etýshiler jahandanýdyń qazirgi álemdik daǵdarysqa áseri jáne deglobalızatsııa kórinisteri týraly aıtqan bolatyn.
M. Gýsman Qazaqstanda 2002 jyldan beri ótip kele jatqan EAMF-nyń qalyptasýy men damýyna Darıǵa Nazarbaevanyń qosqan jeke úlesin atap ótti. Forýmnyń aýqymdy baǵdarlamasy ózekti taqyryptarǵa arnalǵan ashyq pikirtalastarǵa, sóz alýshylardyń mazmundy sózderine, álemdik sarapshylardyń sheberlik synyptaryna toly boldy. Forým aıasynda sondaı-aq osy salanyń kásibı máseleleri - san álemindegi jýrnalıstıkanyń bolashaǵy men blogosfera yqpalynyń ósýi talqylanady.
Reseılik bedeldi medıamenedjer: «Men EAMF-ǵa tańdanyp otyrmyn», - dedi.
Taraptar halyqaralyq kún tártibindegi máselelerdi, sondaı-aq Qazaqstandaǵy ishki saıası jaǵdaıdy da talqylady.
