Darıǵa Nazarbaeva Qordaıda qaza tapqandardyń jaqyndaryna kóńil aıtty

NUR-SULTAN. QazAqparat - Darıǵa Nazarbaeva Qordaıdaǵy oqıǵa kezinde qaıtys bolǵan jandardyń jaqyndaryna kóńil aıtty, dep habarlaıdy QazAqparat Senatty ńbaspasóz qyzmetine silteme jasap.

Darıǵa Nazarbaeva Jambyl oblysy, Qordaı aýdanyndaǵy oryn alǵan oqıǵadan qaıtys bolǵan jáne zardap shekken jandardyń otbasylary men jaqyndaryna kóńil aıtty.

«Qaza bolǵandardyń otbasylaryna qaıǵyryp kóńil aıtamyn. Zardap shekken jandardyń tez saýyǵyp ketýine tilekshimin. Qazaqstan halqy úshin beıbitshilik pen kelisim - basty qundylyq. Biz búgin qaza bolǵan jandardy qaıǵyra eske ala otyryp, qoǵam úshin beıbitshilik pen kelisimnen mańyzdy eshteńe joǵyn erekshe túsinemiz. Osy qundylyqtardy óz ómirimizdeı saqtaý árqaısysymyzdyń mindetimiz. Arandatýshylar men tonaýshylar – adamdardyń qany men qaıǵysyna ómir súretin qylmyskerler. Qordaı aýdanynda úkimettik komıssııamen birge QR Parlamenti Senatynyń depýtattar toby jumys isteýde», - dedi D. Nazarbaeva.