Darıǵa Nazarbaeva qazaqstandyqtardy Naýryz meıramymen quttyqtady
«Qurmetti qazaqstandyqtar! Sizderdi Ulystyń uly kúni – Naýryz meıramymen quttyqtaımyn! Bul kóktem men jandaný merekesi, sebebi aınalamyzdyń bári oıanyp, gúldenedi jáne jańa ómirge ázirlenedi. Bul úmitter men jańarýdyń merekesi. Árbir kúnderińiz qýanyshqa, jylýlyq pen sáttilikke toly bolsyn dep tileımin. Ómir jolynda kezdesetin barlyq qıyndyqtar bizdi aınalyp ótsin. Naýryz meıramynda júregimizge mahabbat pen úmit uıalap, rýhymyz ben densaýlyǵymyz nyǵaıa tússin. Bıylǵy jyly biz Naýryzdy ádettegiden basqasha qarsy alamyz. Koronavırýs indetiniń taralýy memleket pen qoǵamnan batyl áreketter talap etedi. Qazir bizge birlik, aýyzbirshilik, yntymaq jáne ózara kómek pen qoldaý qajet. Sonymen qatar meıirimdilik pen súıspenshilik kerek.
Men bul qıyndyqtardy eńseretinimizge senimdimin. Biz bul indetti jeńemiz. Budan da jaqsy, myqty bolamyz. Qazaqstannyń árbir shańyraǵyna mol dastarhan, amanshylyq pen molshylyq tileımin. Kóktemniń keremet merekesi Naýryz meıramy bizge tek baqyt ákelip, barlyq qıyndyqtar men aýyrtpalyqtan arylaıyq!»,-delingen quttyqtaýda.
