Darıǵa Nazarbaeva isker áıelderge paıdaly keńes berdi
ASTANA. QazAqparat - QR Parlamenti Senatynyń depýtaty Darıǵa Nazarbaeva isker áıelderdi bıznes júrgizýde jastardan jańa ádisterge úırenýge shaqyrdy, dep habarlaıdy QazAqparat.
«Múldem basqa ortada ósken kásipkerlerdiń jas býyny ilesip kele jatyr. Bul balalar ınternet jáne tsıfrly tehnologııalar dáýirinde tálim alǵan jáne bıznes júrgizýde olardyń kózqarasy ózgeshe», - dep toqtaldy senator «Áıelder kásipkerligin damytýǵa arnalǵan jańa múmkindikter» atty halyqaralyq bıznes-konferentsııada.
D. Nazarbaevanyń paıymynsha, Qazaqstan isker áıelder qaýymdastyǵyna qazirgi jáne jas býynnyń múddelerine teńgerim jasaǵan paıdaly bolar edi. Osy rette bundaı qadam olarǵa tabysqa jetýge kómektesedi.
«Shyn máninde búginde jastardan úırenetin tustar bar. «Jas qanattar» (Qaýymdastyqtyń jastar qanaty) bizge, eresekterge sońǵy býyndy tsıfrly tehnologııalarda bilimdi shyńdap, deldaldar men qajetsiz shyǵyndardy aınalyp ótý arqyly bıznes júrgizýge kómektesedi dep úmittenemin. Bul turǵyda barshamyz úshin úlken múmkindikter ashylyp otyr. Búginde áleýmettik jeliler bıznes júrgizýge jaqsy jaǵdaılar jasap otyr. 14-17 jastaǵylar úıde kompıýter aldynda otyryp, tabys jasap jatqany belgili. Buryndary osyndaı múmkindikter bolmaıtyn edi», - dedi Darıǵa Nazarbaeva.
