Darıǵa Nazarbaeva: Ǵylym qory tolyqqandy ınvestor bolýy tıis
Ǵalymdar ózderiniń sońǵy ǵylymı jańalyqtaryn tanystyrdy. Olardyń ishinde sapaly, adamnyń uzaq ómir súrýine áser etetin ónimder, medıtsınalyq, kosmetıkalyq jáne sport ortalyqtaryndaǵy halyqtyń ómir súrý sapasyn jaqsartý jónindegi gendik testileý boıynsha qyzmetter, isik aýrýlaryn dári-dármekpen emdeý, jylyjaılar úshin dıodty jaryq shamdarynyń óndirisi, iri qara maldyń ónimdiligin arttyrýǵa arnalǵan jem qospalary men basqa da ónimder bar.
El ekonomıkasynyń basym baǵyttaryna ǵylymı jańalyqtardy engizý deńgeıin arttyrý úshin «Ǵylymı jáne ǵylymı-tehnıkalyq qyzmet nátıjelerin kommertsııalandyrý týraly» Zań qabyldanǵan bolatyn. Zańnyń negizgi maqsaty - joǵary oqý oryndary men ǵylymı uıymdar jasaǵan jańa tehnologııalardy kommertsııalyq turǵyda paıdalanýdy yntalandyrý. Qor kommertsııalandyrý jobalaryna memlekettik qarjylandyrýdyń jalpy kóleminiń 14, 5 paıyzy (5 mlrd teńge) mólsherinde jeke bıznesten qosymsha qarjy tartty.
Qazirgi kezde kommertsııalandyrý jobalaryn iske asyrý nátıjeleri boıynsha 31 joba ónim shyǵarý kezeńine shyqty, bıýdjetke 964 mln teńge salyq aýdarymdary qamtamasyz etildi, jumys oryndary ashyldy.
«Senat spıkeri ǵalymdardyń ózekti máseleleri men usynystaryn tyńdaı kelip, «Ǵylymı jáne ǵylymı-tehnıkalyq qyzmet nátıjelerin kommertsııalandyrý týraly» Zańǵa sáıkes Qordyń tabys tabýy tıis ári tabys taba alatyn tolyqqandy ınvestor bolýy kerek ekenin atap ótti. Bul jaǵdaıda Qor árbir bıznes-jobany óziniń menshigi retinde baǵalaıtyn bolady, Qordyń tabystylyǵy ulǵaıady, ǵylym men bıznes jobalardy kóbirek alady. Qarjylandyrý kózderin biriktirýdiń naqty múmkindigi paıda bolady», - delingen QR Parlamenti Senaty baspasóz qyzmetiniń málimetinde.
D.Nazarbaeva sonymen qatar ǵylymı jobalar marketıngin belsendi túrde júrgizip, ǵylymı qyzmetterdiń nátıjelerin buqaralyq aqparat quraldarynda keńinen jarııalaý, respýblıkalyq telearnalarda arnaıy aıdarlar qalyptastyrý, áleýmettik jelilerdi paıdalaný jáne basqa da jumystardy qolǵa alý qajet dep esepteıdi.
Zańnamalyq aktilerdegi qaıshylyqtarǵa baılanysty normatıvtik-quqyqtyq aktilerge, sondaı-aq qoldanystaǵy salyq salý júıesine birqatar máseleler boıynsha ózgerister engizý qajet bolyp otyr.
