Darıǵa Nazarbaeva Eýrazııalyq medıa forým aıasynda birqatar kezdesýler ótkizdi
QR Parlamenti Senaty baspasóz qyzmetiniń málimetinshe, medıa forýmnyń arnaýly meımany Armenııa prezıdenti Armen Sarkısıanmen Qazaqstan Senatynyń tóraǵasy Darıǵa Nazarbaeva kezdesýi barysynda ekijaqty yntymaqtastyqty odan ári nyǵaıtý máseleleri talqylandy.
Taraptar QR Parlamenti Senaty men Armenııa Ulttyq Jınalysynyń dostyq tobynyń depýtattary arasynda taıaýda bolǵan kezdesýdiń mańyzdylyǵyn atap ótti, onda eki eldiń zań shyǵarý organdary arasyndaǵy ózara is-qımyldy tereńdetý týraly ýaǵdalastyqqa qol jetken bolatyn.
Armenııa Prezıdenti iri halyqaralyq medıa qurylymdardyń ókilderi men álemdik deńgeıdegi sarapshylar bas qosatyn Eýrazııalyq medıa forýmnyń áleýeti zor ekenin atap ótti.
Qazirgi ýaqytta forýmǵa 60 elden 500-den astam delegat qatysýda.
«Búgingi álem - deglobalızatsııa úderisterin, tutyný daǵdarysyn, medıa-salany tsıfrlandyrý, sondaı-aq jańa tehnologııalar men jasandy ıntellektimen ushtasqan damý múmkindikteri men syn-qaterlerdi talqylaý» bıylǵy jyly forýmnyń taqyrybyna aınalyp otyr.
Euronews arnasynyń áriptestik jáne ártaraptandyrý jónindegi aǵa vıtse-prezıdenti K. Oıkonomýmen kezdesý barysynda EAMF pikirsaıystarynyń mańyzy men onyń ósip kele jatqan bedeli atap kórsetildi.
«Biz ashyq pikirlesý ymyrasyz ustanymdardy jaqyndastyrýdy, ózara túsinistik pen tózimdilikke yqpal etýin, ortaq máselelerdi sheshý úshin kúsh-jigerdi biriktirýdi qalaımyz», - dedi Eýrazııalyq medıa forým uıymdastyrý komıtetiniń tóraıymy Darıǵa Nazarbaeva.
