Darıǵa Nazarbaeva: EAEO-nyń óz telearnasy bolý kerek

MÁSKEÝ. Qazaqparat - Qazaqstan Respýblıkasy Parlamenti Senatynyń Halyqaralyq qatynastar, qorǵanys jáne qaýipsizdik komıteti delegatsııasy Darıǵa Nazarbaevanyń basshylyǵymen Eýrazııalyq ekonomıkalyq komıssııa kolegııasynyń Tóraǵasy  Tıgran Sarkısıanmen, sondaı-aq kollegııa músheleri (mınıstrler) Tımýr Jaqsylyqov pen Marat Qusaıynovtarmen kezdesý ótkizdi, dep habarlaıdy «QazAqparat» HAA tilshisi Máskeýden.

Taraptar Eýrazııalyq ıntegratsııanyń ary qaraıǵy damýyn talqylady.

Kezdesý barysynda QR Parlament Senatynyń Halyqaralyq qatynastar, qorǵanys jáne qaýipsizdik komıtetiniń basshysy Darıǵa Nazarbaeva Eýrazııallyq ıntegratsııa máselesi Qazaqstannyń kún tártibinde mańyzdy oryn alǵan taqyryp ekenin jetkizdi.

Sondaı-aq, senator Eýrazııalyq ekonomıkalyq odaqtyń ıntegratsııalyq úderisteriniń jetkilikti deńgeıde jarııalanbaı jatqandyǵyn, EAEO-nyń óz televıdenıesi bolýy kerektigin atap ótti.

«Úlken nasıhattyq jumys júrgizý kerek. Aqparattyq keńistikte ıntegratsııalyq protses jetkilikti deńgeıde nasıhattalyp jatqan joq. Men EAEO óz telearnasyn ashýdy qolǵa alýy kerek dep esepteımin. Bul mindetti MIR arnasy atqara alady dep sanaımyn», - dedi D.Nazarbaeva.