Darıǵa Nazarbaeva: «Tsıfrly Qazaqstan» baǵdarlamasy shuǵyl túrde qaıta qaraýdy talap etedi

NUR-SULTAN. QazAqparat – Parlament Senatynyń tóraǵasy Darıǵa Nazarbaeva tótenshe jaǵdaı kezinde Memleket basshysynyń shaǵyn jáne orta bıznesti qoldaý boıynsha tapsyrmalarynń bárin naqty ári tıimdi túrde júzege asyrý mańyzdy ekenin málim etti, dep habarlaıdy QazAqparat tilshisi.

«Ókinishke qaraı sol mindetterdiń jergilikti jerde oryndalýy – óte kóp suraqty týyndatyp jatyr. Qazir sondaı jaǵdaılar men bıýrokratııalyq formalızm báriniń aýzynda júr. Olardyń bári óz baǵasyn ala jatar. Ásirese tsıfrlandyrýǵa erekshe toqtala ketkim keledi. Naǵyz syn kezinde memlekettik aqparattyq resýrstar men elektrondy qyzmetterde problemalar qordalanyp turǵany kórindi. Bul degenińiz daǵdarys betin ashyp tastaǵan problemalardy eskere otyryp «Tsıfrly Qazaqstan» baǵdarlamasy shuǵyl túrde qaıta qaraýdy talap etetinin bildiredi», - dedi Darıǵa Nazarbaeva onlaın rejimdegi Senat otyrysynda.

Senat tóraǵasy bul máseleni depýtattar birneshe márte kótergenin, bıýrokratııanyń tsıfrlandyrý isine múddeli emestigin aıtqanyn eske saldy.