Darıǵa Nazarbaeva: Tsıfrlandyrý trolder men feıkterge jol ashty
ALMATY. QazAqparat - Almatyda ótip jatqan Eýrazııalyq medıa forým barysynda uıymdastyrý komıtetiniń tóraıymy Darıǵa Nazarbaeva búgingi jýrnalıstıka kelbeti týraly oıymen bólisti, dep habarlaıdy QazAqparat tilshisi.
Onyń aıtýynsha, qazir blogerler dástúrli jýrnalıstıka ókilderine qaraǵanda tanymal bolyp jatqanyn aıtty.
«Ashyq ınternet alańy tek qana talantty jýrnalısterge ǵana esik ashqan joq. Sonymen qatar, aqparattyq soǵystyń kózge kórinbeıtin sarbazdaryna da jol ashty. Feıktermen trolder jalǵan aqparat shyǵaryp, qoǵamdyq pikirge yqpal ete bastady. Olardyń qasynda tabloıdtar abyroıly bolyp otyr. Ǵalamtordyń qarqyndy damýy, áleýmettik jelilerdiń ómirdiń ajyramas bóligine aınalǵany álemdi túbegeıli ózgertti. Devaıstar men gadjetter qoljetimdi. Bul kez kelgen adamnyń medıprotseske qatysýyna kepildik berip otyr. Blogerler men jelilik avtorlar bedeldi jýrnalıstermen básekege túsip jatyr. Sonyń kesirinen iri basylymdar tıraj joǵaltýda», - dedi ol.
Onyń aıtýynsha, gazetterden bólek, telearnalar da básekege qabilettiligin joǵaltyp almaýy úshin jańa formatqa kóshýi kerek.
«Kez kelgen smartfony bar adam reportaj, derekti fılm túsire alady. 2005 jyly paıda bolǵan Youtube vıdeohostıngi mıllıondaǵan aýdıtorııany jınaıtyn avtorlardyń alyp stýdııasy bolyp otyr», - dedi Nazarbaeva.
