Darıǵa Nazarbaeva Baıan Esentaevany qoldady
ASTANA. QazAqparat - QR Parlamenti Senatynyń depýtaty Darıǵa Nazarbaeva tanymal telejúrgizýshi jáne prodıýser Baıan Esentaevany qoldady.
«Ondaı bolǵan oqıǵa áıelderge óte aýyr tıedi. Barlyq jaǵynan. Qandaı jaǵynan qaramasańyzdar da, mundaı máselede zań áıelderdiń jaǵynda. Áıelderdi qoldaımyn. Ondaı bolmaý kerek. Azamattardyń, jigitterdiń áıelderge qol kóterýi degen, ol endi, sumdyq», - dedi ol Senat otyrysynan soń, tilshilerge bergen suxbatynda.
Eske salsaq, 10 maýsymda B.Esentaeva mıy shaıqalyp, murny synyp, pyshaq jaraqattarymen Almaty oblysyndaǵy Talǵar aýrýhanasyna jetkizilgen. Keıin anyqtalǵandaı, ony jubaıy Baqytbek Esentaev janjal barysynda soqqyǵa jyqqany anyqtaldy. Qazirgi ýaqytta Baqytbek Esentaevtiń isi boıynsha sot protsesi jalǵasýda. Osy oqıǵadan soń, Baıan Esentaeva 22 jyl boıy otasqan kúıeýimen ajyrasty.
