Darıǵa Nazarbaeva bastaǵan delegatsııa - Máskeýde
MÁSKEÝ. QazAqparat - Qazaqstan Respýblıkasy Parlamenti Senatynyń Darıǵa Nazarbaeva bastaǵan Halyqaralyq qatynastar, qorǵanys jáne qaýipsizdik komıtetiniń delegatsııasy jumys saparymen Máskeýde júr, dep habarlaıdy QazAqparat tilshisi.
Úsh kúndik sapar barysynda reseılik áriptester jáne resmı tulǵalarmen birqatar kezdesýler ótkizý kózdelgen.
25 aqpanda QR Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń músheleri ıÝ.A. Gagarın atyndaǵy ǵaryshkerler daıyndaý ǵylymı-zertteý synaq ortalyǵyna bardy. Onda ortalyqtyń basshylyǵymen kezdesip, jattyǵý bazasymen tanysty, ıÝrıı Gagarınniń eskertkishine gúl qoıdy.
Búgin qazaqstandyq senatorlar reseılik áriptesterimen - RF Federaldyq Jınalysy Federatsııa Keńesiniń tóraǵasy Valentına Matvıenkomen, sondaı-aq RF Federatsııa Keńesi tóraǵasynyń orynbasary Ilıas Ýmahanovpen kezdesedi. Taraptar ekijaqty yntymaqtastyqtyń damýyn, halyqaralyq jáne óńirlik qaýipsizdiktiń ózekti tustaryn, halyqaralyq parlamenttik uıymdar aıasyndaǵy jumystardy úılestirý men ózara áriptestik máselelerin talqylaıdy.
27 aqpanda qazaqstandyq delegatsııa RF Memlekettik Dýma tóraǵasy Vıacheslav Volodın jáne EEK Alqasynyń tóraǵasy Tıgran Sarkısıanmen júzdesedi.
