Darıǵa Nazarbaeva áýe apatynan qaza tapqandardyń otbasylaryna kóńil aıtty

NUR-SULTAN. QazAqparat - Darıǵa Nazarbaeva Qazaqstan Respýblıkasy Parlamenti Senatynyń atynan Almaty mańyndaǵy áýe apatynda qaza bolǵandardyń týǵan-týystary men jaqyndaryna kóńil aıtty, dep habarlaıdy QR Parlamenti Senatynyń baspasóz qyzmeti.

«Almaty oblysynda ushaqtyń qulaǵany týraly habardy estip, qaıǵyǵa ortaqtasatynymyzdy jetkizemiz. Qaza bolǵandardyń týǵan-týystary men jaqyndaryna qaıǵyryp kóńil aıtamyn. Sizderdiń qaıǵylaryńyz bárimizge de ortaq. Zardap shekkenderdiń tezirek saýyǵyp ketýin tileımiz», - dedi D.Nazarbaeva.

Aıta keteıik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.

Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy. Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty. Osy apatqa qatysty shuǵyl jeli iske qosylǵan.

Qaıǵyly oqıǵaǵa baılanysty Memleket basshysy Qasym-Jomart Toqaev kóńil aıtty.