Darıǵa Nazarbaeva Atyraýda «Batys» óńirlik qolbasshylyǵy áskeriniń jaraqtandyrylýyn joǵary baǵalady

ATYRAÝ. QazAqparat  - Atyraý oblysynda júrgen Senattyń halyqaralyq qatynastar qorǵanys jáne qaýipsizdik komıtetiniń tóraıymy Darıǵa Nazarbaeva  Atyraýdaǵy «Batys» óńirlik qolbasshylyǵynyń № 51051 áskerı bóliminde bolǵan kezinde áskerlerdiń  jaraqtandyrylýyn joǵary baǵalady, dep habarlaıdy «QazAqparat» HAA tilshisi.

Áskerı bólimde senatorǵa  barlaý  bólimshesiniń nysandy kıimderin, «Amfıbııa» bólimshesiniń, taýlyq, jalpy áskerı, shabýyldaý bólimshesiniń jabdyqtalýyn, sondaı-aq saltanatty áskerı kıim nysanyn kórsetti.

«Batys» óńirlik áskerleriniń qolbasshysy, general-maıor Dáýlet Ospanov bólimniń qalaı qurylǵandyǵy týraly áńgimeledi, sondaı-aq áskerı trofeıler mýzeıin kórsetti.

Tanysý kezinde Darıǵa Nazarbaeva qazaqstandyq ónimderge nazar aýdardy.

Bizdiń áskerdiń qarýlarynda «Arlan» brondy mashınasy, BTR-60 komandalyq brondy mashına, jańǵyrtylǵan tsıfrly radıorelelik R-409 stansasy, ámbebap utqyr baılanys kesheni,   Talıs» jáne «Tadıran» radıostansasy, AKM-72 avtomaty, PP-90 tapansha-pýlemeti bar.