Darıǵa Nazarbaeva «Astana Operada» romanstardy shyrqaıdy
ASTANA. QazAqparat - 4 naýryzda «Astana Opera» memlekettik opera jáne balet teatrynyń kameralyq zalynda Darıǵa Nazarbaevanyń qaıyrymdylyq kontserti ótedi, dep habarlady teatrdyń baspasóz qyzmeti.
Onyń oryndaýynda tanymal orys jáne eýropalyq avtorlardyń romanstary shyrqalady.
D.Nazarbaevanyń barlyq keshteri sııaqty, bul kontsertti de mýzyka ónerin halyqtyń barlyq jikterine qoljetimdi etý maqsatyn kózdegen mádenı-áleýmettik joba dep qarastyrýǵa bolady. Kontsertke bıletter tegin taratylady. Shaqyrylǵan qonaqtardyń arasynda - pedagogter, dárigerler, eńbek sińirgen zeınetkerler, sondaı-aq múmkindigi shekteýli adamdar da bolmaq. Kontsert aıasynda ánshiniń repertýaryndaǵy shyǵarmalardyń notalyq jınaqtary, sondaı-aq onyń «Saro mio ben» atty jańa albomy tegin taratylady.
Kontsertke QR eńbek sińirgen qaıratkeri Tımýr Ormanshıev (fortepıano), Abaı atyndaǵy memlekettik akademııalyq opera jáne balet teatrynyń ánshisi Meıir Baınesh (tenor), Ermek Qurmanaev (vıolonchel), Erkebulan Saparbaev (skrıpka) qatysady. Júrgizýshi Serik Aqyshev.
