Darıǵa Nazarbaeva «Astana Opera» keńesiniń quramynan shyǵarylady

ASTANA. KAZINFORM — Mádenıet jáne aqparat mınıstriniń «Astana Opera» memlekettik opera jáne balet teatrynyń Qamqorshylyq keńesiniń quramyn ózgertýge qatysty buıryq jobasy shyqty.

Qujat «Ashyq NQA» portalynda jarııalandy.

— «Astana Opera» memlekettik opera jáne balet teatry» kommertsııalyq emes aktsıonerlik qoǵamynyń Qamqorshylyq keńesiniń quramy Qazaqstan Respýblıkasy Úkimetiniń 2013 jylǵy 22 mamyrdaǵy № 512 qaýlysymen bekitilgen jáne Qazaqstan Respýblıkasy Úkimetiniń 2021 jylǵy 1 maýsymdaǵy № 362 qaýlysymen ózgertildi. Qazir Qamqorshylyq keńestiń jekelegen músheleri qaýlyda kórsetilgen laýazymdy atqarmaıdy. Kadrlyq ózgeristerge baılanysty Qamqorshylyq keńes músheleriniń quramyna ózgeris engizý qajettiligi týyndady, — delingen túsindirme jazbada.

Osylaısha teatrdyń Qamqorshylyq keńesi músheleriniń quramyn ózektendirý maqsaty qoıylyp otyr. 

— Engiziletin ózgeris qamqorshylyq keńes quramyn ózekti kadrlyq qurylymǵa sáıkes keltirý qajettiligimen negizdelgen, — dep túsindirilgen qujat jobasynda.

«Astana Opera» memlekettik opera jáne balet teatrynyń Qamqorshylyq keńesiniń quramynan kimder shyǵaryldy? 

— Nazarbaeva Darıǵa Nursultanqyzy — burynǵy Qazaqstan Respýblıkasy Parlamenti Májilisiniń depýtaty;
— Qulybaev Tımýr Asqaruly — burynǵy «Atameken» Qazaqstan Respýblıkasy Ulttyq kásipkerler palatasynyń tóralqa tóraǵasy; 
— Satqalıev Almasadam Maıdanuly — Energetıka mınıstri; 
— Mashkevıch Aleksandr Antonovıch — ERG Sarl menedjerler keńesiniń tóraǵasy: 
— Shodıev Patoh Kaıýmovıch — ERG Sarl menedjerler keńesiniń tóraǵasy; 
— Raqyshev Keńes Hamıtuly — «Fincraft Resources» aktsıonerlik qoǵamy dırektorlar keńesiniń tóraǵasy; 
— Smaǵulov Nurlan Erkebulanuly — «Astana Group» holdınginiń prezıdenti;
— Vaskes Lýchano — ENI S.p.A. Ortalyq Azııa fılıalynyń basshysy.

«Astana Opera» memlekettik opera jáne balet teatry» 
kommertsııalyq emes aktsıonerlik qoǵamy janyndaǵy qamqorshylyq keńestiń quramy

Jańa quramda kimder bolady?

— Qazaqstan Respýblıkasynyń Mádenıet jáne aqparat mınıstri;

— Astana qalasynyń ákimi;

— «Astana Opera» memlekettik opera jáne balet teatry» kommertsııalyq emes aktsıonerlik qoǵamynyń dırektory (kelisý boıynsha);

— Ablazımov Baharıdın Nýgmanovıch, «QazAzot» aktsıonerlik qoǵamy dırektorlar keńesiniń tóraǵasy (kelisý boıynsha);

— Batalov Raıymbek Ánýaruly, «Atameken» Qazaqstan Respýblıkasy Ulttyq kásipkerler palatasy basqarma tóraǵasynyń mindetin atqarýshy (kelisý boıynsha);

— Jaqypov Nurlan Qarshyǵauly, «Samuryq-Qazyna» aktsıonerlik qoǵamynyń basqarma tóraǵasy (kelisý boıynsha);

— Ibragımov Shýhrat Alıdjanuly, ERG S.a.r.l. dırektorlar keńesiniń tóraǵasy, bas atqarýshy dırektor (kelisý boıynsha);

— Hoıtınk Seger, Agip Karachaganak B.V. tóraǵasy jáne basqarýshy dırektory (kelisý boıynsha).

Buıryq jobasy bıyl 3 sáýirge deıin qoǵamdyq talqylaýǵa usynylyp otyr. 

Aıta ketsek, birer kún buryn Mádenıet jáne aqparat mınıstri Aıda Balaeva tanymal teatr qaıratkeri Aleksandr Sovostıanovty «Astana Opera» dırektory etip taǵaıyndady.