Darıǵa Nazarbaeva: Ár memlekettik organ aqparat berýdiń zamanaýı ádisteri men jańa formattaryn qoldanýy tıis
Otyrys barysynda QR aqparat jáne kommýnıkatsııalar mınıstri Dáýren Abaev Aqparattyq saıasat strategııasyn ázirleý, sondaı-aq memlekettik organdardyń aqparattyq jumystaǵy ózara is-áreketi júıesindegi aǵymdaǵy jaǵdaı týraly málimdedi.
Budan ózge, D. Abaev mınıstrliktiń ortalyq jáne jergilikti atqarýshy organdardyń aqparattyq jumysynyń erejeleri jasalǵanyn baıandady, onyń aıasynda ýákiletti laýazymdy tulǵalar aqparattyq-túsindirý jumystaryna jeke jaýapty bolady.
QR Premer-Mınıstriniń orynbasary ortalyq memlekettik organdarǵa, ulttyq kompanııalarǵa jáne oblys ákimdikterine aqparattyq jumys erejelerin zerttep, óz usynystaryn QR Aqparat jáne kommýnıkatsııalar mınıstrligine jiberýdi tapsyrdy.
«Ár memlekettik organ memlekettiń aqparattyq-ıdeologııalyq jumysynda zamanaýı ádis-tásilderdi jáne aqparat berýdiń jańa formattaryn qoldanýy tıis. Biz qazir basqa qoǵamda ómir súremiz - eshteńeni jasyrý múmkin emes. Internet, áleýmettik jeliler resmı bılik organdaryna qaraǵanda áldeqaıda jyldam nazar aýdarady. Búginde biz osyndaı básekeli kúreste utylyp kelemiz. Sondyqtan barlyǵy áleýmettik jeliler men Internette jumys jasaýdy úırenýi tıis», - dedi D. Nazarbaeva.
Otyrys qorytyndysynda D. Nazarbaeva vedomstvoaralyq, onyń ishinde aımaqtardyń ortalyq memlekettik organdarmen aqparattyq ózara is-áreketi qajet ekenin basa aıtty.
