Dáriden ýlanǵan aqmolalyq balalar tilge kele bastady
KÓKShETAÝ. QazAqparat - Dárilik preparattan ýlanǵan tórt aqmolalyqtyń úsheýi sanavıatsııamen Nur-Sultan qalasyna jetkizildi. Bul týraly Aqmola oblysynyń densaýlyq saqtaý basqarmasynyń baspasóz qyzmetinen habarlady, dep habarlaıdy QazAqparat tilshisi.
«Jeksenbi kúni, mamyrdyń 26-synda Nur-Sultan qalalyq balalar aýrýhanasy bas dárigeriniń emdeý jumystary jónindegi orynbasarynyń málimeti boıynsha mamyrdyń 25-inde sanavıatsııamen jetkizilgen 2006 jáne 2005 jyldary týǵan balalardyń jaǵdaıy búgin tańerteń jaqsardy. Balalar esterin jıyp, tilge keldi. Al, 2003 jylǵy úshinshi jasóspirim «Epılepsııa» syrqatymen esepte turǵan bala anestezıologııa bóliminde jatyr", dep atap ótti Aqmola oblysynyń densaýlyq saqtaý basqarmasyndaǵylar.
Atalǵan balalardyń barlyǵy Nur-Sultan qalasynyń №2 balalar aýrýhanasynda toksıkolog, reanımatolog dárigerlerdiń baqylaýynda.
Vedomstvonyń deregi boıynsha, 3 jastaǵy tórtinshi bala 5 tabletka ǵana ishkendikten esin biledi, Ereımentaý aýdandyq aýrýhanasynyń balalar bólimshesinde em qabyldap jatyr.
Aıta ketý kerek, osyǵan deıin habarlaǵanymyzdaı, 2019 jyldyń 25 mamyrynda Aqmola oblysynyń Ereımentaý aýdanynda 13-15 jas aralyǵyndaǵy tórt jasóspirim dáriden ýlanyp qalǵan bolatyn. Jaǵdaıdy zerdeleý barysynda ár balanyń bulshyq etterin ósirý úshin «Fınlepsın» dárisin ishkeni anyqtaldy.
