Dári-dármektiń shekti baǵasyn tómendetý úshin qandaı sharalar qoldanylýda – QR DSM
«Mınıstrlik qabyldaǵan sheshimder, eń aldymen, bizdiń azamattarymyzdyń múddelerin qorǵaýǵa, olardy dárihanalardaǵy baǵanyń negizsiz ósýinen qorǵaýǵa baǵyttalǵan. Kez kelgen tekserý, onyń ishinde baǵa shekteýlerin saqtaýǵa qatysty tekserý dárihanalarǵa ǵana emes, óndirýshiler men kóterme baǵamen satýshylarǵa da qatysty. Sonymen qatar, ár naqty jaǵdaıda, naqty saýda ataýy jáne ár shekti baǵa úshin Densaýlyq saqtaý mınıstrligi dıalogqa daıyn. Bul sheshim naýqastardyń quqyǵyn qorǵaý maqsatynda qabyldandy. Koronavırýs ınfektsııasynyń órshý kezeńiniń jazǵy kezeńinde dárihanalarda dári-dármekter baǵalarynyń joǵarylaýy faktileri oryn aldy. Júrgizilgen tekserýler nátıjesinde keıbir jaǵdaılarda baǵany negizsiz kóterý faktileri rastaldy. Tıisti tergeý jumystary júrgizilip, ákimshilik sharalar qoldanyldy. Densaýlyq saqtaý mınıstrligi tótenshe jaǵdaılar kezinde juqpaly aýrýlardyń kóbeıip ketý jaǵdaıynda baǵa shekterin belgileýdiń arnaıy tártibin belgiledi», - deıdi Botagóz Syzdyqova.
Onyń aıtýynsha, shekti baǵany tómendetý úshin marketıngtik shyǵyndar alynyp tastaldy, sondaı-aq kóterme jáne bólshek saýda baǵalary da azaıtyldy.
«Men áriptesterimniń ne úshin alańdaıtynyn túsinemin. Tekserý kezinde ár jaǵdaıda qatysty jeke tásil qoldanylady. Tekserýler dárihana uıymdaryna ǵana júrgizilmeıdi. Kóterme baǵany qaıta tirkeýdi júzege asyrǵan kezde shekti baǵany belgileý qaǵıdattaryna saı áreket etý birinshi kezekte óndirýshilerden jáne dıstrıbıýtorlardan da talap etiledi», - deıdi ol.
Sondaı-aq, ol koronavırýspen aýyrǵan naýqastarǵa tegin dári-dármek qarastyrylǵanyn aıtty.
«Koronavırýs ınfektsııasymen aýyratyn naýqastar tegin dári-dármekpen qamtamasyz etiletinin aıtqym keledi. Aýyryp qalǵan jaǵdaıda tirkelgen emhanaǵa júginýińiz kerek, ol jerde sizdi emdeıtin dáriger qajetti dári-dármekterdi jazyp beredi. Dáriger kóbinese dene qyzýyn túsiretin dárilerdi jazyp beredi, al qan qysymy joǵary, qant dıabeti, demikpe sııaqty sozylmaly aýrýlary bar adamdar men aıaǵy aýyr áıelderge aýrýdyń asqynýyn tejeıtin basqa da dáriler jazyp beredi», - deıdi QR Densaýlyq saqtaý mınıstrligi Farmatsevtıkalyq saıasat departamenti dırektorynyń mindetin atqarýshy.
Sonymen qatar, koronavırýs ınfektsııasyna bakterııalyq ınfektsııa qosylsa, pnevmonııany emdeýge arnalǵan dári-dármek pen antıbıotıkter tegin beriledi. Naýqastyń jaǵdaıy nasharlaı tússe, kúndizgi statsıonarǵa jatqyzý nemese statsıonarlyq em qabyldaý sııaqty medıtsınalyq kómek túri usynylady.
«SK-Farmatsııa» JShS 44 taýardyń qoryn satyp aldy. Bul dál qazir satyp alynatyn jáne aımaqtyq qoımalarda, sondaı-aq medıtsınalyq uıymdarda bar antıbıotıkter, antıkoagýlıanttar, steroıdty emes gormondar. Kólemi jetkilikti. Sonymen qatar, dárihanalardaǵy dári-dármek qory azaıyp ketse nemese keıbir dári-dármekter bolmaı qalsa - aımaqtarda jergilikti bıýdjet esebinen turaqtandyrý qorlary quryldy», - deıdi Botagóz Syzdyqova.
Ol shekti baǵalary tómendetilgen dári-dármekter koronavırýs ınfektsııasyn emdeýge arnalǵan dári-dármekter ekenin aıtty. Olardyń shekti baǵasyn Densaýlyq saqtaý mınıstrligi koronavırýsty emdeýdiń klınıkalyq qaýlysy negizinde bekitken.
«Osy tizimge koronavırýstyq ınfektsııany emdeýge qatysy joq dári-dármekterdi engizý týraly aıtatyn bolsam, qazirgi ýaqytta Densaýlyq saqtaý mınıstrliginde kóterme jáne bólshek saýdada baǵalardyń jańa shegin belgileýge qatysty joba bar, onda osy dári-dármekterge de qatysty shekti baǵa belgilenedi», - dedi ol.