Dári-dármektiń qymbatqa satylý faktisin kez kelgen azamat tirkeı alady - Tımýr Sultanǵazıev
NUR-SULTAN. QazAqparat – Áleýmettik mańyzdy dárilik zattardyń shekti baǵasynyń buzylý faktilerin kez-kelgen azamat tirkeı alady.
Bul týraly Ortalyq kommýnıkatsııalar qyzmetinde ótken baspasóz máslıhatynda QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev málim etti, dep habarlaıdy QazAqparat tilshisi.
Komıtet tóraǵasynyń aıtýynsha, qazaqstandyqtar dárilik zattardyń baǵasyn kóterý týraly DSM taýarlar men kórsetilgen qyzmetterdiń sapasy men qaýipsizdigin baqylaý komıtetiniń aýmaqtyq departamentterine, elektrondyq úkimet portaly nemese «DariKz» mobıldik qosymshasy arqyly júgine alady.
«Mobıldik qosymsha arqyly azamattar ár preparattyń shekti baǵasyn bilip, naqty preparatqa shtrıhteý júrgizip, shaǵymdy Taýarlar men kórsetiletin qyzmetterdiń sapasy men qaýipsizdigin baqylaý komıtetine jibere alady», - dep túsindirdi Tımýr Sultanǵazıev.
Eske sala ketsek, buǵan deıin Tımýr Sultanǵazıev monıtorıng toptary Qazaqstanda tirkelmegen dári-dármektiń 200 túriniń satylyp jatqanyn anyqtaǵanyn málim etken edi.
https://kaz.inform.kz/news/kazakstanda-tirkelmegen-dari-darmektin-200-turinin-satylyp-kelgeni-anyktaldy_a3673321
