Dári-dármektiń baǵasyn turaqty ustap turý sharalary Densaýlyq saqtaý mınıstrliginiń baqylaýynda bolady

Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótip jatqan brıfıngte Densaýlyq saqta vıtse mınıstri Erik Baıjúnisov málim etti.

«Baǵanyń ózgerýi oryn alǵan kezde dári-dármektiń baǵasyna qatysty jurtta alańdaýshylyq týyndaıdy. Bul, árıne, túsinikti. Óıtkeni naýqas adamǵa dári-dármek eń birinshi qajettilik. Sondyqtan bul salada dáriniń baǵasyn, sapasyn qadaǵalaý, ony ósirmeý mınıstrliktiń birden-bir qyzmeti», - dedi ol.

Onyń atap ótýinshe, búginde elimizde dáriniń 7174 túri tirkelgen. ıAǵnı, álemde tirkelgen barlyq dári-dármek túri bar. Qazaqstan azamattaryn qajetti dárimen qamtamasyz etý úshin jyl saıyn shamamen 140 mlrd. teńge qarjy bólip keledi.

Sondaı-aq E.Baıjúnisovtiń sózine qaraǵanda, jyl saıyn elmizde 350-ge jýyq jańa dári túri tirkelip, olardyń barlyǵy da Qazaqstan zańnamasyna saı sapasyna, halyqaralyq standarttarǵa sáıkestigine saraptama júrgiziledi.