Dári-dármekti tirkeý sharttary ońtaılandyrylady
Premer-Mınıstr Álıhan Smaıylov Senat depýtattarynyń saýalyna joldaǵan jaýabynda osyndaı málimet aıtty.
«Densaýlyq saqtaý salasyndaǵy básekelestikti damytý jónindegi jol kartasynyń aıasynda dári aınalymyndaǵy búkil protsesterdi ońtaılandyryp, avtomattandyrý kózdelip otyr. Bul sharalar dári-dármekti Qazaqstan aýmaǵynda tirkeý sharalarynan bastap tutynýshyǵa jetkenge deıingi sharýanyń bárin qamtıdy», - delingen jaýapta.
Qazirgi tańda dári shyǵaratyn 37 otandyq kompanııa memleketpen uzaqmerzimdi kelisimshart aıasynda jumys istep tur.
«Búginde 37 otandyq taýar óndirýshimen 4 700 dárilik zattar men medıtsınalyq buıymdardy jetkizýge baǵyttalǵan 101 uzaq merzimdi kelisimshart jasalǵan. Іsikke qarsy preparattar men ımmýndik modýlıatorlar, júrek-qan tamyry júıesin, júıke júıesiniń aýrýlaryn emdeýge arnalǵan preparattar, qabynýǵa qarsy steroıdty emes preparattar jáne densaýlyq saqtaý júıesi talap etetin basqa da preparattar óndirisi jolǵa qoıylǵan. Kelisimshart arqyly dári-dármek óndirisin damytýǵa múmkindik beretin offteık-kelisimsharttar jasaý rejesin ońaılatý baǵytynda jumys júrgizilip jatyr», - dep jazady Álıhan Smaıylov.
