Dári-dármekti memlekettik satyp alýlardaǵy biryńǵaı dıstrıbıýterdi engizý nátıjesinde bıýdjet qarajaty 40 paıyzǵa únemdelgen

ASTANA. Sáýirdiń 13-i. QazAqparat /Qanat Mámetqazyuly/ - Dári-dármekti memlekettik satyp alýlardaǵy biryńǵaı dıstrıbıýterdi engizý nátıjesinde bıýdjet qarajaty 40 paıyzǵa únemdelgen. Bul týraly búgin QR Parlamenti Májilisi Áleýmettik-mádenı damý komıtetiniń keńeıtilgen otyrysynda «Samuryq-Qazyna Farmatsııa» JShS-niń Bas dırektory Vadım Zverkov málim etti,

dep habarlaıdy QazAqparat.

«Farmatsevtıka salasyndaǵy satyp alýlardy júıeli qurylymdaý bıýdjet qarajatyn únemdeý turǵysynan da mańyzdy. Máselen, byltyrǵy jyldyń ortasyna taman ilki joba retinde júzege asqan kezeńniń ózinde bul saladaǵy bıýdjet qarajatyn únemdeý 40 paıyzǵa jýyqtaǵan bolaty. Jalpy, bunymen qosa biryńǵaı satyp alý dıstrıbıýteri qazaqstandyq qamtý deńgeıin arttyryp qana qoımaı, elimizdiń búkil aýmaǵy boıynsha teńgerimdi baǵa saıasatyn qalyptastyratyn bolady», dedi V. Zverkov.

Onyń aıtýynsha, 2010 jyly biryńǵaı dıstrıbıýter memleket tarapynan statsıonarlyq kómek retinde satyp alynatyn dári-dármekterdiń jalpy mólsheriniń 70 paıyzǵa jýyq úlesin oryndaıtyn bolady. Qalǵan 30 paıyzy jáne ambýlatorııalyq emdeýge qatysty satyp alýlar ázirshe óńirlerdiń úlesine qaldyrylyp otyr.