Dári-dármekter boıynsha otandyq ónimniń úlesi qandaı
ASTANA. QazAqparat - Zerthanalyq synaqtan ótpeı qalǵan dári-dármekterdiń jartysynan kóbi - sheteldik. Bul týraly QR DSM Dárilik zattardy, medıtsınalyq maqsattaǵy buıymdardy jáne medıtsına tehnıkasyn ulttyq saraptama ortalyǵy bas dırektorynyń mindetin atqarýshy Qanat Erjanov aıtty, dep habarlaıdy QazAqparat tilshisi.
«Bizdiń ortalyq qyzmetkerleri sapa jáne qaýipsizdik parametrleri boıynsha sheteldik dári-dármektermen birge otandyq dárilerge de synaq júrgizedi. Sapa jaǵynan synaqtan ótpeı qalǵan dári-dármekter boıynsha otandyq dárilerden góri sheteldik medıtsınalyq ónimderdiń úlesi kópteý. Zerthanalyq synaqtan ótpeı qalǵan dári-dármekterdiń jartysynan kóbi - sheteldik dáriler», - deıdi ol OKQ-da ótip jatqan baspasóz máslıhatynda.
Qanat Erjanovtyń aıtýyna qaraǵanda, Qazaqstanda satylyp jatqan dárilik zattar men medıtsınalyq buıymdar boıynsha otandyq úles - 14 paıyz.
Eske sala ketsek, buǵan deıin Qazaqstan naryǵynda satylatyn dárilik zattar men medıtsınalyq buıymdar úsh satydan turtyn tekseristen ótkiziletinin buǵan deıin habarlaǵan bolatynbyz. Olardyń birinshisi - bastapqy saraptama, ekinshisi - mamandandyrylǵan saraptama, al úshinshisi - zerthanalyq synaq. Ulttyq ortalyqtyń oblystarda zerthanalary bar.
