Dári-dármek satyp alý modelinde qandaı problemalar bar

NUR-SULTAN. QazAqparat – «SQ-Farmatsııa» JShS basqarma tóraǵasy Erhat Esqalıev dárilik zattardy satyp alýdy josparlaýdyń jańa modeli pysyqtalyp jatqanyn aıtty, dep habarlaıdy QazAqparat.

«Biryńǵaı dıstrıbıýter arqyly satyp alý aıasynda dárilik zattardy josparlaýdyń qoldanystaǵy modelinde júıeli problemalar baıqalady. Keıde dári-dármekpen qamtamasyz etýdegi irkiliske medıtsınalyq uıymdardyń durys josparlamaýy, densaýlyq saqtaý basqarmalarynyń, MÁMS boıynsha ótinimderdi jınaý men kelisýdiń kópsatyly protsesi sebepker bolyp jatady», - deıdi Erhat Esqalıev.

Osyǵan baılanysty, endi kompanııa óz jumysyn qaıta júktep, josparlaýdyń jańa modeline kóshpekshi.

«Jańa modeldiń máni «ERDB» jáne «MISov» aqparat júıeleriniń derekteri negizinde avtomatty rejımde qajettilikti qalyptastyrýǵa negizdeledi», - dedi «SQ-Farmatsııa» basshysy.